Miðskógar 16

Betri Stofan og Jason Kristinn Ólafsson, sími 7751515 kynna: Miðskógar 16, 282 fm einbýlishús ásamt 70 fm garðstofu, einstök eign, teiknuð af Gunnari Hanssyni arkitekt, sem stendur við 1.800 fm eignarlóð á sjávarsíðunni við Skógtjörn á Álftanesi 225 Garðabæ. Samtals er eignin því 352 fermetrar að stærð. 

Mjög mikið hefur verið lagt í hönnun hússins sem fellur vel inn í náttúruna. Mikil endurnýjun hefur átt sér stað á undanförnum árum með aðstoð innanhússhönnuðar Berglindi Berndsen. Árið 2020/2021 var skipt um allar lagnir, vatn og rafmagn á efri hæðinni. Hiti var settur í gólf. 

Glæsilegs útsýnis nýtur frá eigninni til suðurs yfir sundin. Möguleiki er á að innrétta aukaíbúð á neðri hæð eignar með sérinnangi.
Skipulag eignarinnar er gott. Komið er inn fyrir miðju hússins í rúmgott anddyri með marmara á gólfi og fallegri innréttingu.
Í anddyri er gestasalerni sem í dag hefur verið breytt í fataskáp (allar lagnir til staðar).
Glæsilegt eldhús með stein á borðplötu.
Úr anddyrinu er gengið niður tvö þrep niður í stofu með mikilli lofthæð sem er afmörkuð með arinvegg og gólfsíðum gluggum í suðurátt að Skógtjörn.
Á annan veginn frá anddyrinu og stofunni í vinstri átt eru svo borðstofa, eldhús, rými hugsað sem þvottaherbergi með útgengi á pall og þar inn af búr.
Hægra megin er fjölskyldurými og í framhaldi svefnherbergi og baðherbergi.
Í dag eru 3 svefnherbergi á efri hæðinni. Upphaflega var gert ráð fyrir fjórum barnaherbergjum sem í dag hafa verið sameinuð í tvö stærri herbergi og er hjónasvíta með baðherbergi og inn af hjónaherbergi er fataherbergi. Allt hið vandaðasta efni er í efri hæðinni.  Handsmíðaðar innréttingar frá Hegg. VOLA blöndunartæki og Miele raftæki.  Pearl White marmari í borðplötum.  

Úr fjölskyldurýminu er gengið inn í 70 fm gróðurhús með mikilli lofthæð(stærð gróðurhússins ekki inn í fermetratölu). Þaðan er útgengt á tveimur stöðum. 
Úr anddyrinu er gengið niður hringstiga á neðri hæð þar sem er að finna rúmgott þvottaherbergi og stórar geymslur.
Þaðan er innangengið inn í rými sem ætlað var sem sér íbúð og auðvelt að breyta í slíka.
Komið er inn í rúmgott alrými með sér útgengi úr húsinu að steyptu bílaplani.
Stórt herbergi auk rúmgóðs baðherbergis tengjast þessu rými.

Bílskúr stendur að stærstu leyti á efri hæðinni er yfir kjallaranum.  Útiplan er steypt og er upphitað. 
Rafmagnshleðsla fyrir bíl er við húsið sem er með 3ja fasa rafmagni.

Rólegt umhverfi og stutt í gönguleiðir við sjávarsíðuna.

Bókið skoðun: Jason Kristinn Ólafsson, sími 775 1515 - löggiltur fasteignasali. - netfang: jason@betristofan.is