Góðakur 8

Betri Stofan fasteignasala og Jason Kristinn s. 775 1515 kynnr:  Góðakur 8, tæplega 370 fm, einstaklega vel staðsett einbýlishús innst í botnlanga í Akrahverfinu, 210 Garðabæ. 
Eignin skiptist í: Tvær hjónasvítur. 4 baðherbergi og 3 svefnherbergi, samtals 5 svefnherbergi. Hlýlegt stórt eldhússvæði sem tengist stofum með fallegu útsýni. Stofur með niðurteknu lofti og arinn. Tvennar svalir, morgun- og síðdegissvalir. Bílskúr og geymslur í kjallara og á palli. Stór niðurgrafinn pallur með heitum potti. Endalóð á einstökum stað niður við gróinn dal og læk. Stór gróinn garður umlykur húsið. 
Sigurður Hallgrímsson arkitekt hjá Arkþing teiknaði/hannaði húsið. Rut Káradóttir sá um innanhússhönnun 

Nánari lýsing: 
Komið inní anddyri, rúmgóðir fataskápar ásamt litlu fataherbergi með sérsmíðuðum innréttingum. Innangengt er í bílskúrinn úr því rými. Bílskúrinn er rúmlega 30 fm. með heitu og köldu vatni.
Auka hjónasvíta: Er í kringum 25 fm. Rúmgott herbergi með baðherbergi með innréttingu og sturtu. Frá þessu herbergi er gengið út á litla verönd sem snýr til vesturs.  
Gengið er frá holi upp hálfa hæð:
Efri hæðin skiptist í eldhús, sjónvarpsrými, stofur, gestasnyrtingu, skrifstofu og svalir.  
Eldhús: eldhús eignarinnar er vel útbúið með sérsmíðaðri fallegri dökkbrúnni eikar innréttingu með stein á borðum. Mikið skápapláss er í eldhúsi og stór eyja með gashelluborði. Uppþvottavél er innbyggð ásamt tveimur ísskápum, vínskáp, tveir bakarofnar og gufuofn eru í vinnuhæð. Öll eldhústæki eru frá Miele. Partur af eldhússvæðinu er rúmgott fjölskyldurými/sjónvarpsaðstaða ásamt fallegri aðliggjandi skrifstofu með sérsmíðuðum innréttingum og glerhurðum. Allar innréttingar í húsinu eru sérsmíðaðar. 
Stofa: stofa og borðstofa eru samliggjandi og rúmgóðar. Fallegur arinn er í stofunni sem nýtur sín vel í stofu og borðstofu. Sérsmíðaðar bókahillur og steypt arinhilla prýða stofuna. Niðurtekið loft. Á efri hæð hússins eru tvennar svalir. 
Gestasalerni: á aðalhæð er gestasalerni með upphengdu salerni, innbyggðum blöndunartækjum og fallegum sérsmíðuðum vaski.
Neðri hæð skiptist í eftirfarandi: 
Hjónaálma: með fataherbergi og vönduðum innréttingum, baðherbergi með sturtu og baðkari ásamt sérsmíðaðri baðinnréttingu. Útgengið er á verönd með heitum potti frá baðherbergi. Frá fataherbergi er gengið inn í þvottahús með innréttingu. Einnig er aðgengi að þvottahúsi frá ganginum.  
Þrjú önnur svefnherbergi eru á neðri hæð og baðherbegi með sturtu og sérsmíðaðri innréttingu og steinn á borði. Rúmgóð geymsla er til staðar. Sjónvarpsaðstaða (hol) er einnig á hæð og þar er hægt að ganga út á pallinn sem snýr til suðvesturs. 
Stór pallur(Bangkirai hardvidur) er á neðri hæðinni sem er niðurgrafinn umvafinn gróðri og er því í miklu skjóli. Á pallinum er gott geymslupláss ásamt dúkkuhúsi sem lítið fer fyrir á sjálfum pallinum. Fallegur gróinn garður umlykur pallinn.
Næg bílastæði fyrir framan bílskúr og hús, sem og í botnlanga.
Stutt í skóla og íþróttastarf, sem og verslanir og almennar samgöngur. 

Nánari upplýsingar:  Jason Kristinn Ólafsson s. 775 1515 löggiltur fasteignasali, jason@betristofan.is