Furuvellir 2

Mjög flott og vel staðsett einbýlishús á tveimur hæðum með innbyggðum bílskúr og fjórum svefnherbergjum.
Efri hæð var öll meira og minna endurnýjuð árið 2000 og baðherbergi efri hæðar endurnýjað árið 2010. Allar ofnalagnir hafa verið endurnýjaðar.
Flísar eru í forstofu og þar er þrefaldur fataskápur. Parket er í stofu/borðstofu og þaðan er útgengt á fallega timburverönd í bakgarði. Í eldhúsi er mjög fín innrétting. Þar eru flísar á gólfi, borðkrókur og búr er inn af eldhúsi. Baðherbergi efri hæðar er flísalagt í hólf og gólf, þar er góð innrétting og sturta. Hiti er í gólfi á baðherbergi. Þrjú svefnherbergi eru á hæðinni, öll með parket á gólfi og sexfaldur fataskápur er í einu þeirra. Parket er á holi í miðju húsinu og þaðan er stigi á neðri hæð. 
Einnig er sér inngangur á neðri hæð. Þar er nokkuð rúmgóð forstofa með flísum á gólfi. Flísar eru einnig á salerni og þvottahúsi. Eitt svefnherbergi er á neðri hæð. Þar er parket á gólfi. Á neðri hæð er innangengt í bílskúr með máluðu gólfi.