Boðavík 28

Elka Guðmundsdóttir lgf. s. 863-8813 og Fasteignasalan TORG kynna fallegt og einstaklega vel skipulagt einbýlishús á eftirsóttum stað í nýju og fjölskylduvænu hverfi á Selfossi.
Um er að ræða fallegt einbýlishús sem var byggð árið 2024, samtals 182,6 fm að stærð, þar af er 40,3 fm sambyggður bílskúr. 
Virkilega fallegt og opið skipulag þar sem alrýmið er hjarta heimilisins. Þar sameinast stofa, borðstofa og eldhús í einstaklega björtu og rúmgóðu rými með stórum gluggum og rennihurð út í garð.
Nánari upplýsingar veitir Elka Guðmundsdóttir Fasteignasali, í síma 863-8813, tölvupóstur elka@fstorg.is.

Nánari lýsing:
Gengið er inn í rúmgóða forstofu með flísum á gólfi og góðu skápaplássi.
Eldhúsið er einstaklega fallegt með stórri eyju sem hægt er að sitja við, miklu skápaplássi og góðu vinnurými.  Vönduð tæki, uppþvottavél og ofn í vinnuhæð.
Eldhúsið sameinast stofu og borðstofu í mjög fallegu og björtu rými með stórum gluggum og rennihurð út í garðinn.
Í miðrými hússins er notalegt sjónvarpshol sem nýtist vel sem fjölskyldurými eða leiksvæði fyrir börn.
Baðherbergið er rúmgott með fallegri innréttingu og sturtu. Gott þvottahús er með fallegum innréttingum.
Svefnherbergin eru þrjú talsins og eru öll rúmgóð með góðu skápaplássi.
Gólfefni eru vönduð; parket er á alrými, sjónvarpsholi og í svefnherbergjum en flísar á votrýmum.
Húsið er hitað með gólfhita sem tryggir þægindi og jafnan hita allt árið um kring.

Sambyggður bílskúr er 40,3 fm með bæði innkeyrsluhurð og gönguhurð.
Fyrir framan húsið er rúmgóð innkeyrsla og gert er ráð fyrir þremur bílastæðum á lóðinni.
Húsið er timburhús, klætt að utan með lituðu báruáli, og þakið er kraftsperruþak klætt lituðu járni.
Lóðin er snyrtileg og þökulögð með mulningi í innkeyrslu.

Hér er um að ræða einstaklega fallegt og vel hannað heimili á vinsælum stað á Selfossi þar sem stutt er í alla helstu þjónustu, skóla, leikskóla, íþróttamannvirki og útivistarsvæði.

Nánari upplýsingar veitir Elka Guðmundsdóttir Fasteignasali, í síma 863-8813, tölvupóstur elka@fstorg.is.


Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Væntanlegum kaupendum er bent á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Almennt um fylgifé íbúðarhúsnæðis:
Til fylgifjár íbúðarhúsnæðis teljast varanlegar innréttingar og búnaður sem annaðhvort er skeytt varanlega við fasteignina eða er sérstaklega sniðinn að henni. Þetta á meðal annars við um fastan búnað og lagnir til hitunnar og vatnsmiðlunar, rafmagnsvirki og leiðslur, loftnet og annan móttökubúnað í eigu seljanda, sem fest eru á fasteign, föst gólfteppi og önnur gólfefni sérstaklega tilsniðin, gluggabúnað, bað- og eldhúsinnréttingar og tæki og vélar sem eru sérstaklega felld inn í innréttingarnar og verða hluti af þeim og aðra innbyggða hluta.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:
  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.