Skólavörðustígur 26

Jósep Grímsson löggiltur fasteignasali og Fasteignasalan Grafarvogi kynna Skólavörðustíg.
Virkilega falleg og björt, fjögurra herbergja íbúð með mikla möguleika á frábærum stað í miðbænum. 
Komið er inn í rúmgóða forstofu í miðju íbúðarinnar.
 
Eldhúsið var nýlega endurnýjað og er með fallegri innréttingu. Þar er mikið skápapláss og góð vinnuaðstaða. Innst í eldhúsinu er borðkrókur og þaðan er útgengt á stórar og skjólgóðar suðursvalir.        
 
Baðherbergið sem hefur allt verið endurnýjað er flísalagt í hólf og gólf. Þar er falleg innrétting, upphengt salerni og sturtuklefi. Tengi er fyrir þvottavél á baðherberginu.           
                                                                               
Svefnherbergin í íbúðinni eru tvö en möguleiki er á að breyta stofu eða borðstofu í svefnherbergi og fá þannig þriðja herbergið.
 
Svefnherbergi 1: Rúmgott með góðum skápum og tveimur gluggum til suðurs.
Svefnherbergi 2: Mjög rúmgott með sér baðherbergi með klósetti og vaski. Hægt er að stúka það af þar sem einnig er sérinngangur í það frá stigagangi og var það áður í útleigu. 
                                     
Stofan er nokkuð rúmgóð með stórum glugga þar sem hægt er að fylgjast með mannlífinu. Borðstofan er stór og björt með útgengi út á svalir.
Aftan við húsið er lokaður, skjólgóður bakgarður.
Íbúðin er með parketi og flísum á gólfi og henni fylgja þrír nýir gluggar fyrir eldhús og svefnherbergi. 
 
Íbúðin hefur verið í eigu sömu fjölskyldu frá upphafi og sömu eigendur eru einnig að selja þriggja herbergja íbúð ásamt aukarýmum í kjallara hússins þar sem væri möguleiki á að útbúa tvær leiguíbúðir. Því er þetta tilvalið tækifæri fyrir fjárfesta.
 
Þetta er virkilega falleg eign með mikla möguleika sem vert er að skoða. Hún er á eftirsóttum stað þar sem stutt er í alla þjónustu og allt það sem miðborgin hefur upp á að bjóða.
 
Listi yfir framkvæmdir:
 
2025 - Ný eldhúsinnrétting og tæki ásamt nýju harðparketi í eldhúsi, svefnherbergi og á gangi.
 
2017 - Baðherbergi endurnýjað að fullu með nýjum tækjum, innréttingu og flísum. 
 
2010 - Þakjárn og pappi endurnýjað 
 
2010 - Gafl hússins sem liggur að 26A múrviðgerður og málaður. Bakhlið hússins einnig múrviðgerð og máluð.
 
2002 - Endurnýjaðar frárennslislagnir undir botnplötu. Kalt vatn fyrir hæðir líka endurnýjað fyrir allt húsið undir kjallaraplötu að veggjum.
 

Vantar allar gerðir eigna á skrá. fagleg og góð þjónusta.
 
Nánari upplýsingar veitir:
Jósep Grímsson löggiltur fasteignasali
Fasteignasalan Grafarvogi
S: 863-1126
josep@fastgraf.is
www.fastgraf.is