Blómvellir 6

LIND Fasteignasala, Andri Freyr Halldórsson aðstm.fs. & Ragnhildur Finnbogadóttir, lgfs, kynna til sölu:
Vandað & glæsilegt, vel skipulagt fimm herbergja einbýlishús á tveimur hæðum með innbyggðum bílskúr við Blómvelli 6 í Hafnarfirði. 

Eignin er teiknuð af Gunnari Páli Kristinssyni arkitekt. Húsið er bjart með góðu skipulagi, rúmgóðum herbergjum og innréttað á sérlega smekklegan hátt.
Í húsinu eru gólfsíðir gluggar, aukin lofthæð, háar innihurðir, innbyggð lýsing, hiti í gólfum, rúmgóðar þaksvalir og tveir harðviðarpallar.

Allar nánari upplýsingar veita:
Andri Freyr Halldórsson, aðstm. fasteignasala, í síma 762-6162 eða andri@fastlind.is
Ragnhildur Finnbogadóttir, löggiltur fasteignasali, í síma 772-2791 eða adda@fastlind.is

Skráð stærð eignar skv. FMR er 201.1 fm og skiptist í neðri hæð 103.7 fm, efri hæð 70.8 og bílskúr 26.6 fm. 

Eignin skiptist í:
Forstofu, þrjú svefnherbergi, eldhús, stofu og borðstofu, sjónvarpshol, baðherbergi, gestasalerni, þvottahús, þaksvalir og bílskúr.

Nánari lýsing eignar:
Neðri hæð:
Anddyri: með innbyggðum fataskáp og flísum á gólfi.
Stofa & borðstofa: eru samliggjandi og rýmið rúmgott, með gólfsíðum gluggum og flísum á gólfi.
-Útgengt er úr rýminu á tvær harðviðarverandir með skjólveggjum til norðurs og suðurs. 
Eldhús: er með dökkri innréttingu og hvítum efri skápum með flísum á milli efri og neðri skápa. Eyja með granít borðplötu, skápum og plássi fyrir 2-3 barstóla við eyjuna.
Innbyggður bakaraofn með gufu & annar bakaraofn sem er einnig örbylgjuofn, bakaraofnar eru í vinnuhæð, spanhelluborð og háfur sem fellur inní innréttinguna. Gólfið er flísalagt.
Svefnherbergi 1: rúmgott, með innbyggðum fataskápum, gólfsíðum gluggum og harðparketi á gólfi.
Gestasalerni: með flísum á gólfi og veggjum, með innréttingu með vaski og upphengdu salerni.
Þvottahús: er inn af anddyri með góðri innréttingu með vinnuborði og vaski, flísar á gólfi. Innangengt er inn í bílskúr frá þvottahúsi.
Bílskúr: 26.6 fm, er flísalagður. 

Efri hæð:
Stigapallur: er með glergólfi úr öryggisgleri.
Sjónvarpshol & gangur: sjónvarpshol er rúmgott, er parketlagt, og er útengt út á 23.2 fm þaksvalir. 
-Möguleiki er á að loka af sjónvarpsholi og útbúa annað herbergi.
Vinnuaðstaða: er á gangi með föstu vinnuborði.
Hjónaherbergi: rúmgott, með innbyggðum, rúmgóðum fataskápum. Gólfið er parketlagt, en að hluta til með glergólfi sem gefur aukna birtu á milli hæða.
Svefnherbergi 2: rúmgott, með innbyggðum fataskáp með rennihurðum og parketlögðu gólfi. 
Baðherbergi: með flísum á golfi og veggjum. Með baðkari, flísalagðri sturtu með innbyggðum blöndunartækjum, handklæðaofni, upphengdu salerni, innréttingu með vaski og góðu skápaplássi.

Lóð: smekklega & fullfrágengin, með hellulagðri innkeyrslu og stétt með hitalögnum undir. Tveir harðviðarpallar, annar að framan og hinn að aftan. 

Blómvellir 6 er vel staðsett eign í rólegum botlanga þar sem stutt er í alla helstu þjónustu, eins og t.d. skóla, leikskóla, matvörubúðir, sund, líkamsrækt.

Allar nánari upplýsingar veita:
Andri Freyr Halldórsson, aðstm. fasteignasala, í síma 762-6162 eða andri@fastlind.is
Ragnhildur Finnbogadóttir, löggiltur fasteignasali, í síma 772-2791 eða adda@fastlind.is


Kostnaður kaupanda vegna kaupa:  Stimpilgjald kaupsamnings einstaklinga  er  0,8%  og lögaðila  1,6% af fasteignamati eignar. Lántökugjald getur verið breytilegt eftir lánastofnunum,  oftast 1%. Þinglýsingargjald er 2.700 fyrir hvert skjal. Þjónustu- og umsýslugjald til fasteignasölu skv. kauptilboði.

Um skoðunar- og aðgæsluskyldu: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Lind fasteignasala bendir öllum sem hugsa sér að kaupa, að kynna sér vel ástand fasteignarinnar við skoðun fyrir tilboðsgerð og leita til sérfræðinga um nánari ástandsskoðun ef þörf þykir.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.