Lindarberg 70

Nýtt á skrá! Opið hús - Lindarberg 70 Hafnarfirði - sunnudaginn 24. nóvember klukkan 15:00 - 15:30

Seljandi skoðar uppítöku á minni eign.

Lind fasteignasala / Heimir Hallgrímsson lögg. fasteignasali kynnir fallegt og vel skipulagt 229,7 fermetra parhús á tveimur hæðum, með bílskúr og útleigurými við Lindarberg 70 í Hafnarfirði. Húsið skiptist í 191,7 fermetra íbúðarrými og 38,0 fermetra innbyggðan bílskúr. Eignin er með stórum alrýmum með mikilli lofthæð og þremur svefnherbergjum í dag en möguleiki er að bæta við svefnherbergi og baðherbergi á kostnað útleigurýmis. Auk þess er einfalt að bæta við öðru baðherbergi þar sem þvottaherbergi og geymsla er staðsett á teikningum án þess að opna inn í útleigurými. Afar glæsilegt útsýni er frá alrými efri hæðar og svölum út á sundin og yfir Hafnarfjörðinn.

Komið er inn í forstofu á neðri hæð með skápaplássi. Tvö svefnherbergi eru staðsett á neðri hæð í dag og inngengt er í bílskúr í gegnum rými þar sem þvottaherbergi/geymsla var staðsett. Möguleiki er að bæta við baðherbergi þar sem þvottaherbergi er teiknað líkt og fyrr greinir. Gengið er upp efri hæð frá holi um steyptan parketlagðan stiga. Alrými á efri hæð eru stór með mikilli lofthæð. Skiptist í rúmgóða borðstofu og setustofu. Frá setustofu er gengið í sólstofu og þaðan á rúmgóðar svalir með miklu útsýni. Auk þess eru minni svalir út frá borðstofu. Eldhús er rúmgott með borðkrók en möguleiki er að opna það við borðstofu. Þá er hjónaherbergi og baðherbergi staðsett á efri hæð hússins. Útleigurými er með sérinngang frá bakgarði sem skiptist í opið studio-rými með eldunaraðstöðu þar inn af og baðherbergi.

Lóðin er virkilega falleg með mynstursteyptu bílaplani og stétt með snjóbræðslu fyrir framan hús. Afgirt viðarverönd til suðvesturs og þar tekur við hellulögð verönd í bakgarði. Tyrfðar flatir framan og aftan við hús. Afgirt baklóð.

Frábær staðsetning á fjölskylduvænum stað þar sem leikskólinn Hlíðarberg og Setbergsskóli eru í göngufjarlægð. Stutt er í íþróttasvæði FH og golfvöll (Setbergsvöll). Stutt í verslun og þjónustu og göngu- og hjólaleiðir við fallega náttúruna allt í kring, t.d. Urriðavatn, Setbergshlíð og allt að Hvaleyrarvatni og Heiðmörk.
 
Nánari lýsing:
Neðri hæð:
Forstofa: Með flísum á gólfi og skápum.
Gangur/hol: Með flísum á gólfi.
Svefnherbergi I: Er rúmgott með parketi á gólfi. Gluggar til vesturs og norðurs.
Svefnherbergi II: Með parketi á gólfi og glugga til austurs.
Þvottaherbergi/geymsla: Er staðsett inn af holi. Möguleiki að gera auka baðherbergi í þessu rými. Innangengt í bílskúr í gegnum rými.

Efri hæð: Steyptur parketlagður stigi er á milli hæða. Alrými efri hæðar er stórt, með mikilli lofthæð og fallegu útsýni.
Setustofa: Er rúmgóð, með parketi á gólfi og mikilli lofthæð. Gluggar til vesturs og norðurs. Útgengi á svalir. 
Svalir I: Snúa til norðurs og með útgengi frá borðstofu.
Stofa: Er rúmgóð, með parketi á gólfi og mikilli lofthæð. Gluggar til vesturs. Opin við borðstofu og sólstofu. 
Sólstofa: Með gluggum til suðurs, vesturs og norðurs. Fallegt útsýni og útgengi á rúmgóðar svalir.
Svalir II: Eru rúmgóðar til vesturs og með afar fallegu útsýni út á sundin og víðar.
Eldhús: Með dúk á gólfi, viðar eldhúsinnréttingu og aukinni lofthæð. Möguleiki er að opna eldhús við borðstofu þar sem léttur veggur skilur rýmin af. Stál bakaraofn og örbylgjuofn. Tengi fyrir uppvþottavél, spansuðu helluborð og stál háfur. Flísar á milli skápa og lýsing undir efri skápum.
Baðherbergi: Með flísum á gólfi og hluta veggja. Aukin lofthæð og gluggi til austurs. Baðkar með sturtutækjum, innrétting við vask, upphengt salerni og skápar.

Bílskúr: Er 38,0 fermetrar að stærð. Málað gólf, rafmagnshurðaopnun á bílskúrshurð. Auk þess er inngangshurð frá framlóð.

Útleigurými: Er studiorými með eldunaraðstöðu. Parket á gólfi og sérinngangur frá bakgarði. Baðherbergi með flísum á gólfi og veggjum, sturtu, innréttingu við vask og salerni.

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is.