Blómsturvellir 46

BYR fasteignasala kynnir til sölu BLÓMSTURVELLIR 46, Neskaupstað. Sex herbergja einbýlishús á tveimur hæðum með innbyggðum bílskúr innarlega við botnlanga í grónu hverfi, stutt er í alla almenna þjónustu og útivistarsvæði. Smellið hér fyrir staðsetningu.
Eignin skiptist í efri hæð 75 m², neðri hæð 88 m² og bílskúr 26 m², samtals 189.0 m² að stærð samkvæmt skráningu HMS.

BYR FASTEIGNASALA | 483-5800 | byr@byrfasteignasala.is |

Skipulag;
Efri hæð: Anddyri, skáli, gestasalerni, alrými með stofu, borðstofu og eldhúsi og geymsla, bílskúr. 
Neðri hæð: Hol/gangur fjögur herbergi, baðherbergi, þvottahús, aukainngangur („mudroom") og kyndiklefi, köld geymsla. 

Nánari lýsing;
Efri hæð: 
Anddyri, tvöfaldur fataskápur, hiti í gólfi.
Gestasalerni er innaf anddyri, upphengt salerni, handlaug og speglaskápur, gluggi, fíbó á hluta veggja, hiti í gólfi. Gestasalerni var endurnýjað vetur 2024-2025. 
Skáli er innan við anddyri, þaðan er opið inn í alrými og að stiga niður á neðri hæð. Stálgrindarstigi með timburþrepum er á milli hæða, teppi er á stiga. 
Alrými með stofu, borðstofu og eldhúsi, frá borðstofu er útgengt út á svalir til suðurs og frá stofu út á timburverönd til vesturs. 
Eldhús, Brúnás innrétting, tækjaskápur, keramikhelluborð, ofn og örbylgjuofn í vinnuhæð, innbyggð uppþvottavél í vinnuhæð, gert er ráð fyrir ísskáp í innréttingu (fylgir með). Bökunarskápur með vinnuborði, eldhús var endurnýjað fyrir 8 árum síðan.  
Bílskúr, málað gólf, geymsla hefur verð afstúkuð inn af bílskúr, léttur veggur er á milli. Lúga er frá bílskúr upp á kalt loft, loft er yfir öllu húsinu, steypt plata með einangrun ofan á. Bílskúrshurð hefur verið skrúfuð föst. Innangengt er í geymslu frá eldhúsi. 

Neðri hæð: 
Hol/gangur, er neðan við stiga, liggur að rýmum neðri hæðar. 
Herbergi I, hjónaherbergi, áttfaldur fataskápur.
Herbergi II, fataskápur. 
Herbergi III, fataskápur.
Herbergja IV, tvöfaldur fataskápur. 
Baðherbergi, flísar á gólfi og fibo plötur á hluta veggja, vaskinnrétting, upphengt salerni, sturta og baðkar, rafræn loftun er frá baðherbergi, hiti í gólfi.
Þvottahús, innrétting frá Trévangi, með hækkun fyrir tvær vélar, vinnuborð með stálvask, speglaskápur, innangengt er úr þvottahúsi í aukainngang og kyndiklefa. 
Aukainngangur („mudroom"), þaðan er útgengt út í bakgarð og innagengt í kyndiklefa (rýmið er ókynnt). Í kyndiklefa er hitakútur 300L og túba.
Köld geymsla (kartöflugeymsla) er undir stiga úti. 

Blómsturvellir 46 er staðsteypt hús á tveimur hæðum byggt árið 1980, bárujárn á þaki. Þakjárn, pappi og járn var endurnýjað fyrir u.þ.b. 6-7 árum ásamt því voru settir ál þakkanntar og nýjar þakrennur. Útihurðar eru úr timbri. Árið 2015 voru gluggar á efri hæð endurnýjaðir á suður og vesturhlið í plastglugga, ásamt hurð út á timburverönd. Árið 2023 var svalarhurð endurnýjuð í ál/tré hurð. Svalir eru aftan á húsi (suður), ekki er handrið á svölum. 
Bílskúr er innbyggður, malbikað bílaplan fyrir allt að fjórar bifreiðar er framan við húsið, steypt stétt er við inngang. Hellulögð stétt er til hliðar við inngang til vesturs, þar er einnig timburverönd aflokuð með skjólveggjum, grillskýli og geymsluskúr, við verönd liggur timburstigi niður í bakgarð. Steyptur stigi liggur meðfram húsinu niður í bakgarð að austan verðu við bílskúr, köld kartöflugeymsla er undir stiga. Köld geymsla út frá þvottahúsinu, undir bílskúrnum. Bakgarður (suður) er gróin, þar er matjurtargarður, þvottasnúrur ásamt hæsnakofa, hænur geta fylgt kofanum.