Hlíðarhjalli 16

ALLT fasteignasala kynnir í einkasölu eignina: Hlíðarhjalli 16, 200 Kópavogur, birt stærð 270.5 fm.   Bókið skoðun, eignin verður einungis sýnd í einksýningu.

Einstaklega vandað og fallegt einbýlishús á tveimur hæðum, staðsett í rólegri botnlangagötu á einum besta stað í suðurhlíðum Kópavogs. Eignin hefur fengið gott viðhald í gegnum tíðina. Fyrir tveimur árum var bílastæðið stækkað og lóðin öll tekin í gegn, meðal annars með nýjum og rúmgóðum sólpalli og 8 fm útigeymslu. Þak hússins er nýlegt. Árið 2024 var parket slípað upp og lakkað og ný útiljós sett upp.

Skipulag eignarinnar er hagkvæmt og gott. Á efri hæð er anddyri, stofa, eldhús, tvö svefnherbergi og baðherbergi. Búið er að útbúa auka svefnherbergi í hluta stofunnar, sem auðvelt er að breyta til baka og stækka þá stofuna á ný. Sjá nánar á teikningu eignar.
Á neðri hæð eru þrjú svefnherbergi, fataherbergi, baðherbergi með saunaklefa, þvottahús og geymsla/hobbýherbergi. Bílskúr er samtengdur húsinu.

Nánari lýsing eignar
Efri hæð
Anddyri er rúmgott og bjart, með góðu skápaplássi og flísum á gólfi.
Stofan er björt með útgengi á svalir til suðurs. Búið er að útbúa auka svefnherbergi í stofu sem auðvelt er að breyta til baka og stækka stofu.
Svefnherbergi 1 innaf stofu með parket á gólfi ( auðvelt að breyta til baka og stækka stofuna, sjá teiknigu ) 
Svefnherbergi 2 er rúmgott, með eikarparketi á gólfi.
Eldhúsið er rúmgott og fallega innréttað, með spanhellum og granítborðplötum frá Miele og tveimur ofnum. Gert er ráð fyrir tvöföldum ísskáp í innréttingu sem getur fylgt með í kaupum. Léttir veggir skilja að borðstofu og eldhús, sem gerir auðvelt að opna á milli.
Baðherbergi er rúmgott, með innangengri sturtu, nýlegri HTH innréttingu, upphengdu salerni, glugga og steinefnaspörtluðum veggjum og gólfi.

Neðri hæð
Hol er bjart og rúmgott, með eikarparketi á gólfi, og er í dag nýtt sem sjónvarpsaðstaða. Útgengt er út á stóran sólpall til suðurs.
Hjónaherbergi er rúmgott, með góðu skápaplássi og eikarparketi á gólfi.
Svefnherbergi 3 er rúmgott, með eikarparketi á gólfi.
Svefnherbergi 4 er rúmgott, með eikarparketi á gólfi.
Fataherbergi er með góðum hillum og skápum, og eikarparketi á gólfi.
Baðherbergi er með innangengri sturtu, baðkari, nýlegri HTH innréttingu, glugga og saunaklefa. Steinefnaspörtlað er í hólf og gólf.
Þvottahús er innréttað með skolvaski og flísum á gólfi. Útgengt er út í garð til suðurs, þar sem þvottasnúrur eru til staðar.
Geymsla/hobbý rými 
Bílskúr er rúmgóður og bjartur, með gluggum. Bílaplan fyrir framan húsið var nýlega stækkað og endurnýjað, með hitalögn.

Lóðin er fullfrágengin og einstaklega glæsileg. Nýlega var reistur stór sólpallur til suðurs með heitum potti og 8 fm geymsluskúr, auk fallegs útsýnis yfir gróðursælt umhverfi.

Húsið stendur á góðum stað í Kópavogsdalnum, þar sem stutt er í fallega göngustíga og eftirsótt útivistarsvæði.

Vertu tilbúin(n) þegar rétta eignin birtist – skráðu eignina þín í dag og tryggðu þér forskotið.

ALLT fasteignasala er staðsett á eftirfarandi stöðum:
Hafnargötu 62, 230 Reykjanesbæ - Reykjavíkurveg 66, 220 Hafnarfirði
 
Kostnaður kaupanda:
1. Af gjaldskyldum skjölum skal greiða 0,8% af fasteignamati ef kaupandi er einstaklingur, fyrstukaupendur 0,4% og 1,6% af fasteignamati ef kaupandi er lögaðili.
2. Þinglýsingargjald á hvert skjal er kr. 3.800.
3. Lántökugjald fer eftir verðskrá lánastofnunar hverju sinni.
4. Umsýslugjald til ALLT fasteignasölu er kr. 69.440 m/vsk.
5. Sé um nýbyggingu um að ræða greiðir kaupandi skipulagsgjald, 0,3% af brunabótamati, þegar það er lagt á.

Skoðunar- og aðgæsluskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. ALLT fasteignasala vill beina því til væntanlegs kaupanda að kynna sér ástand fasteignar vel við skoðun og fyrir tilboðsgerð. Ef þurfa þykir er ráðlagt að leita til sérfræðifróðra aðila. Forsendur söluyfirlits: Söluyfirlit þetta er samið af fasteignasala til samræmis við lög um sölu fasteigna og skipa nr. 70/2015. Upplýsingar þær sem koma fram í söluyfirliti þessu eru sóttar í opinberar skrár, frá seljanda og eftir atvikum til húsfélags. Seljandi veitir upplýsingar um eignina til samræmis við upplýsingaskyldu sína sbr. lög um fasteignakaup nr. 40/2002. Fasteignasali sannreynir að upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteignar sem ekki eru aðgengilegir og sjást ekki með berum augum, eins og t.d. lagnir, dren, skólp og þak.