Hverfisgata 45

Glæsilegt einbýlishús í hjarta Hafnarfjarðar
Við kynnum til sölu glæsilegt og einstaklega sjarmerandi einbýlishús að Hverfisgötu 45. Húsið stendur á eftirsóttum stað í hjarta Hafnarfjarðar, aðeins steinsnar frá gamla vitanum og miðbænum.
Eignin er samkvæmt skráningu HMS 226,7 fm og henni fylgir 21,6 fermetra bílskúr og verðlaunagarður sem hlotið hefur viðurkenningu Hafnarfjarðarbæjar fyrir hönnun og fegurð. Hér sameinast saga, karakter og nútíma hönnun á einstakan hátt.

-  Einstök eign í hjarta Hafnarfjarðar
-  Verðlaunagarður með heitum potti, útisturtu, pergólu og útigeymslu
-  Aukaíbúð á jarðhæð – frábær til útleigu
-  Vel við haldið og mikið endurnýjað

Nánari upplýsingar veitir:
Tinna Bryde, Lgf. í síma 660-5532 | tinna@palssonfasteignasala.is

Skipulag eignar:
Jarðhæð – aukaíbúð:
Rúmlega 50 fm íbúð með sérinngangi. Alrými með stofu/borðstofu og eldhúsi, gott svefnherbergi, baðherbergi og rúmgóð geymsla. Parket á gólfum og flísar á baðherbergi. Hentar vel fyrir fjölskyldumeðlimi, gesti eða til útleigu. Hægt er að opna á milli og tengja jarðhæð við húsið.
Bílskúr: Góður 21,6 fermetra bílskúr með góðri lofthæð (2,7 metrar)

2. hæð – hjarta heimilisins:
Forstofa/skáli: Viðbygging frá árinu 2003, björt og rúmgóð forstofa með útgengi í garð og fallegum stiga inn í alrými. Gólfhiti og ofnar eru í forstofunni og flísar á gólfi. 
Eldhús/borðstofa: Heimilislegt rými þar sem eldhús og borðstofa tengjast. Eldhúsið er með góðri innréttingu, tvöföldum ísskáp, ofni í vinnuhæð og innbyggðri uppþvottavél. Björt rými með parketi á gólfi.
Stofa: Byggð við húsið árið 2006. Glæsileg hönnun með góðri lofthæð og útgengi í garð. Gólfhiti er í stofu og parket á gólfi. 

3. hæð – svefnrými:
Hjónaherbergi: Gengið er í gegnum fataherbergi inn í rúmgott hjónaherbergi. Úr hjónaherbergi er útgengt á svalir sem snúa í garðinn.
Herbergi: Með parketi á gólfi.
Baðherbergi: Endurnýjað 2024 með vandaðri innréttingu, smíðuð og hönnuð af Smíðaþjónustinni ehf. Baðherbergið er með sturtu, upphengdu klósetti, innréttingu og tengi fyrir þvottavél og þurrkara.
Geymsluloft: Gott geymsluloft er í risi og opnanlegur gluggi.

Garðurinn
Garðurinn er sannkölluð paradís sem hefur fengið viðurkenningu frá Hafnarfjarðarbæ 2021 fyrir hönnun sína og umhirðu. Hér fær náttúran að njóta sín með grónum flötum, úfnu hrauni og smáatriðum.
Í garðinum er heitur pottur,  útisturta og geymsluskúr. Glæsileg pergóla var sett upp árið 2023 – skjólgott rými fyrir alla árstíðir. 

Saga hússins
Húsið var reist árið 1926 og hefur verið í eigu sömu fjölskyldu allar götur síðan. Það hýsti lengi hina vinsælu „Hallabúð“, þar sem heimilisfólkið rak verslun á jarðhæð og bjó sjálft á efri hæðum. Síðar var húsið stækkað með vönduðum viðbyggingum við forstofu og stofu sem falla einstaklega vel að heildarhönnun hússins.

Staðsetning
Hverfisgata 45 er í hjarta Hafnarfjarðar, steinsnar frá miðbænum og gamla vitanum. Hér er allt innan seilingar – verslanir, kaffihús og skólar - bæði grunnskóli (Lækjarskóli), framhaldsskóli (Flensborg) og leikskóli (Hörðuvellir). Einstök blanda af bæjarlífi, menningu og rólegu umhverfi.

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar - samanber gjaldskrá viðkomandi lánastofnunar.
4. Umsýsluþóknun til fasteignasölu, sbr.kauptilboð.

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Pálsson fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.