Vörðutún 2

Vörðutún 2 - Vandað 5 herbergja einbýlishús á einni hæð með sambyggðum bílskúr sem stendur á hornlóð syðst í Naustahverfinu - Heildarstærð 225,1 m²
Húsið er einkar vel skipulagt og hentar fjölskyldufólki vel þar sem húsið er á rólegum stað, með stórum garði og leik- og grunnskóla í göngufæri. 

        * Innfelld lýsing í loftum 
        * Eins ljósar flísar á öllum gólfum, að bílskúr frátöldum
        * Allar innréttingar og fataskápar allt í stíl - eik eða struktur eik
        * Eldhúsið var að mestu endunýjað 2019
        * Granít á bekkjum í eldhúsi
        * Tveir geymsluskúrar á lóð
        * Heitur pottur
        * Rúmgóður sólpallur - um 80 m² steyptur pallur með steyptum veggjum auk timburpalls sem smíðaður var 2019

Eignin skiptist í forstofu, eldhús og stofu, fjögur svefnherbergi, tvö sjónvarpshol, tvö baðherbergi, þvottahús og bílskúr. 

Nánari lýsing:
Forstofa er rúmgóð með flísum á gólfi. Sérsmíðuð innrétting með skápum og skúffum og opin hengi. 
Eldhús er með fallegri og vandaðri innréttingu með granít bekkplötum. Í innréttingu er m.a. innbyggður bakaraofn (nýlegur) og combiofn frá Siemens í vinnuhæð, tvöfaldur tækjaskápur og stæði fyrir tvöfaldan ísskáp. Innfelld upphækkuð uppþvottavél (nýleg frá Miele) sem fylgir með við sölu. Eldunareyja með spanhelluborði með booster frá Miele. Úr eldhúsi er hurð út á sólpall til suðurs. 
Stofa er björt og rúmgóð með flísu
m á gólfi. Loft eru tekin upp og gólfsíðir gluggar til tveggja átta. Innfelld og óbein lýsing í lofti og innfelld kamína. Úr stofu er stór rennihurð út á sólpall.
Svefnherbergin eru fjögur og skiptast á tvo svefnherbergisganga, á hvorum þeirra eru tvö svefnherbergi og eitt sjóvarpshol. Hægt er að loka af milli svefnherbergjaganga og forstofu annars vegar, og eldhúss hins vegar, með rennihurðum. Svefnherbergin eru öll rúmgóð, skráð 12,0 - 14,5 m² að stærð og með góðum fataskápum. Í hverju herbergi eru tveir opnanlegir glugga og flísar á gólfi. 
Sjónvarpsholin eru tvö, bæði með flísum á gólfi. Eitt sjónvarpshol er á hvorum svefnherbergjagangi, eitt inn af forstofunni og hitt inn af eldhúsinu. 
Baðherbergin eru tvö og eru þau bæði flísalögð í hólf og gólf. Vandaðar innréttingar, upphengt wc, handklæðaofn og walk in sturta með innbyggðum blöndunartækjum er í báðum baðherbergjunum. Í því stærra er einnig baðkar með sturtutækjum og  hurð út á pall að pottinum.  
Þvottahús hefur verið stækkað og er mjög rúmgott og með stórri innréttingu á tveimur veggjum. Stæði fyrir þvottavél og þurrkara í vinnuhæð, skolvaskur, og mjög gott skápa- og bekkjapláss
Bílskúrinn er skráður 37,2 m² að stærð. Þar eru dökkar flísar á gólfi. Rafdrifin innkeyrsluhurð auk inngönguhurðar á vesturhlið hússins. 
Geymsluskúrar eru tveir á lóðinni. Annar er við sólpallinn að sunnan, um 9 m² að stærð, og hinn er um 14,5 m² að stærð og stendur vestan við hús. Sá stærri er einangraður og með rafmagni. 

Annað:
- Frábær staðsetning í göngufæri við helstu náttúruperlur Akureyrar, t.d. Naustaborgir og Kjarnaskóg
- Húsið var málað að utan 2022
- Ídregið brunakerfi og öryggiskerfi með hreyfiskynjurum
- Gólfhiti 
- Varmaskiptir
- Snjóbræðsla í bílastæði, lokað kerfi

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.