Skálatún 17

Skálatún 17 - Falleg 3ja - 4ra herbergja parhúsaíbúð með bílskúr og góðri steyptri verönd í Naustahverfi - stærð 117,9 m²

Eignin skiptist í forstofu, eldhús og stofu í opnu rými, tvö svefnherbergi, baðherbergi og geymslu sem hefur nýst sem svefnherbergi auk bílskúrs.

Forstofa er með flísum á gólfi og góðum fataskáp og skúffueiningu.  
Eldhús er með vandaðri innréttingu með dökkum flísum á milli skápa. Ísskápur og uppþvottavél í innréttingu fylgja með við sölu. Úr eldhúsi er hurð út á rúmgóða steypta verönd með timbur skjólveggjum. 
Stofan er með flísum á gólfi og þar er spónlögð sjónvarpsinnrétting og skápur sem fylgir með við sölu.
Svefnherbergin eru tvö, bæði með flísum á gólfi og spónlögðum fataskápum. 
Baðherbergi er rúmgott og flísalagt bæði gólf og veggir, spónlögð innrétting, upphengt wc, baðkar og sturta, handklæðaofn og opnanlegur gluggi. 
Geymsla nýtist í dag sem vinnuherbergi en getur nýst sem svefnherbergi. Þar eru flísar á gólfi, fataskápur og þakgluggi með rafmagnsopnun.
Bílskúr er með flísum á gólfi og þar er góð spónlögð þvottahúsinnrétting með vaska og stæði fyrir bæði þvottavél og þurrkara.  Gönguhurð er við hliðina á innkeyrsluhurð sem er með rafdrifnum opnara. Lóðin er snyrtileg og framan við húsið eru tvö steypt bílastæði með snjóbræðslu í, lokað kerfi.  Bak við húsið er steypt verönd með skjólveggjum, góð grasflöt, runna- og trjágróður og gróðurhús.

Annað 
- Innfelld lýsing er í loftum í flestum rýmum.
- Hleðslustöð fyrir rafbíla er við bílastæði.
- Hiti er í gólfum
- Þak var endurbætt árið 2017. Nýr dúkur og bætt við loftun. 
- Ljósleiðari er kominn inn og tengdur.
- Sér hiti og rafmagn.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.