Hlunnavogur 3

Lind fasteignasala / Heimir Hallgrímsson lögg. fasteignasali kynnir stórglæsilega og vel skipulagða u.þ.b. 228,5 fermetra eign á tveimur hæðum með glæsilega aukaíbúð við Hlunnavog 3 í Reykjavík. Um er að ræða eign í sérflokki þar sem ekkert er til sparað við endurnýjum á húsinu. Staðsetningin er virkilega góð í næsta nágrenni við Laugardalinn þar sem stutt er í fallegar hjóla- og gönguleiðir. Glæsileg afgirt lóð með stórri u.þ.b. 100 fermetra steyptri verönd til suðvesturs með heitum potti og 14,5 fermetra geymsluskúr. Góð hellulögð bílastæði fyrir framan hús með snjóbræðslu og rafhleðslustöð. 

ATH: Möguleiki er að kaupa 60,0 fermetra íbúð í kjallara sem er með sér fastanúmeri og eignast heildareignina, sbr. skráningu á eftirfarandi hlekk: https://fastlind.is/soluskra/eign/664412
Ef heildareignin er ekki keypt er í boði að kaupandi hafi forkaupsrétt af íbúð í kjallara. Kjallaraíbúð er ekki til sölu ein og sér.

Eignin skiptist í 73,9 fermetra aðalhæð, 74,7 fermetra efri hæð með rúmgóðu og sjarmerandi óskráðu risi (gólfflötur 28 fermetrar og 182 cm upp í miðju/mæni) með þakglugga. Bílskúr hefur verið endurnýjaður að langmestu leyti. Bílskúr er skráður 54,4 fermetrar en er í raun u.þ.þ. 80 fermetrar. Í þeim hluta er glæsilegt eldhús, baðherbergi með þvottaaðstöðu og stórt alrými og því um sérstæða íbúð að ræða. Eignin er því u.þ.b. 228,5 fermetrar að heildarstærð.

Eignin hefur verið mikið endurnýjuð og að miklu leyti endurbyggð á glæsilegan máta á undanförnum árum. Árin 2007-2008 voru klóaklagnir, neysluvatnslagnir, ofnakerfi og gólfhiti aðalhæðar og efri hæðar endurnýjað. Á sama tímabili var dregið í nýtt rafmagn í öllu húsinu . Árið 2016 voru rafmagnstöflur endurnýjaðar. Í framhaldinu voru allir gluggar endurnýjaðir og veggir filtaðir og málaðir. Þá voru drenlagnir endurnýjaðar við húsið. Árið 2021-2022 var bílskúr endurnýjaður og breytt í sérstæða íbúðareiningu. Allar lagnir voru endurnýjaðar (klóak- og neysluvatnslagnir) og gólfhita komið fyrir í öllum rýmum. Þá var einangrun endurnýjuð (að utan, bæði veggir og þak), ásamt öllum útidyrahurðum, gluggum og gólf flotuð. Nýtt járn var auk þess sett á þak húss og bílskúrs.

Sjón og sögu ríkari þar sem útkoman er afar sjarmerandi í vönduðu og tímalausu fjölskylduhúsi. Afar glæsilegir upprunalegir gips loftlistar eru víða í húsinu sem og upprunalegar innihurðir. Möguleiki er því að hafa leiguekjur af glæsilegri íbúð sem áður var bílskúr.

Nánari lýsing á lóð: Lóðin, sem er 742,0 fermetrar að stærð er öll tekin í gegn. Falleg hellulögð stétt með snjóbræðslu og bílastæði með rafhleðslu fyrir framan hús sem tengir (hlið inn í bakgarð) steypta verönd í bakgarði (snjóbræðsla að hluta) til suðvesturs. Lóðin, sem samanstendur af stórum tyrfðum flötum, hellulögðum bílastæðum með snjóbræðslu og steyptri verönd, er að mestu afgirt og lokuð. Afar fallegur og krónumikill Hlynur er mikið augnayndi í miðjum bakgarði. Útgengi er á steypta verönd með heitum potti. Stór 14,5 fermetra geymsluskúr sem er upphitaður og með rafmagni í bakgarði ásamt tréhúsi.

Nánari lýsing:
Aðalhæð:
Forstofa: Með flísum á gólfi. Fatahengi og fallegum upprunalegum loftlistum.
Gestasalerni: Með flísum á gólfi og hluta veggja. Upphengt salerni, vaskur og gluggi til norðausturs. Upprunalegir listar í loftum.
Hol: Með gegnheilu eikarparketi á gólfi og fallegum upprunalegum loftlistum.
Eldhús: Með gegnheilu eikarparketi á gólfi. Falleg hvít eldhúsinnrétting með Liebherr innbyggðum kæliskáp og innbyggðri AEG uppþvottavél. Kvarts steinn á borðum og undirfelldur vaskur með eldhúskvörn. Spansuðuhelluborð, háfur og tveir Whirlpool ofnar. Eldhús er opið við hol og stofu og með glugga til suðausturs.
Stofa: Er stór og rúmar vel setustofu og borðstofu. Með gegnheilu eikarparketi á gólfi. Upprunlegir gips listar í loftum og fallegar gips rósettur við ljósastæði. Gluggar til suðausturs, suðvesturs og norðvesturs.
Svefnherbergi I: Er staðsett við hol á aðalhæð. Gegnheilt eikarparket á gólfi, fallegir upprunalegir listar í loftum og gluggi til norðvesturs.

Efri hæð: Fallegur steyptur stigi er á milli hæða með gegnheilu eikarparketi á gólfi, sjarmerandi upprunalegum loftlistum og stórum glugga til norðvesturs. Lítið geymslurými undir stiga.
Hol: Með gegnheilu eikarparketi á gólfi og glæsilegum upprunalegum loftlistum og gips rósettu. Sjarmerandi smáatriði í loftum og hurðum er víða í húsinu og sannkallað augnakonfekt.
Hjónaherbergi: Er rúmgott með gegnheilu eikarparketi á gólfi og afar fallegum upprunalegum loftlistum og rósettu. Gluggar til suðvesturs og útgengi á svalir.
Svefnherbergi II: Með gegnheilu eikarparketi á gólfi, skápum og glugga til norðausturs. 
Svefnherbergi III: Með gegnheilu eikarparketi, skápum og glugga til norðausturs. Útsýni úr svefnherbergi I og II er fallegt og nær til fjalla.
Svefnherbergi IV: Með gegnheilu eikarparketi á gólfi og glugga til suðvesturs. Er í dag nýtt sem fataherbergi með góðu skápaplássi.
Fataskápur (árstíðarskápur): Er staðsettur við holið milli herbergja.
Baðherbergi: Er með flísum á gólfi og veggjum. Gólfhiti er í baðherbergi og gluggi til suðausturs. Baðkar með sturtutækjum og flísalögð sturta með glerhurð. Innrétting með skápaplássi, upphengt salerni og handklæðaofn.
Háaloft: Er staðsett yfir holi og hluta herbergja. Afar sjarmerandi og góð loftum. Velux þakgluggi. Háaloft (28 fermetrar að gólffleti) er óskráð og ekki inn í birtum fermetrum.

Steyptur sigi er niður í kjallara. Lítil geymsla er staðsett undir stiga.
Þvottaherbergi: Er staðsett í kjallara. Gengið niður frá eldhúsi og frá íbúð í kjallara. Málað gólf, vinnuborð og vaskur. Gluggi til suðausturs og útengi á steypta verönd í bakgarði.

Aukaíbúð: Er í dag íbúð með sérinngangi þar sem bílskúr hefur verið endurnýjaður að nánast öllu leyti og breytt í glæsileg rými með stóru alrými, eldhúsi og baðherbergi. 
Opið alrými: Er rúmgott með flotuðu gólfi, gólfhita og gluggum til suðvesturs. 
Eldhús: Er afar glæsilegt með lerki á gólfi og glæsilegum gluggahliðum til suðausturs og suðvesturs sem gefa rýminu mikla birtu. Svört eldhúsinnrétting með stórri eyju og marmara á borðum. Undirfelldur vaskur, innbyggð uppþvottavél og tveir Kitchenaid ofnar. Tvöfaldur Samsung kæliskápur með frysti og spansuðu helluborð. Eldhús sem áður var sólskáli er ekki inn í birtum fermetrum eignarinnar.
Baðherbergi: Með flísum á gólfi og sturta með innbyggðum Grohe blöndunartækjum. Innbyggt salerni og falleg innrétting við vask. Steinn á borði og Grohe blöndunartæki við vask. Stór innrétting með miklu skápaplássi með stæði fyrir þvottavél og þurrkara.

Staðsetning eignarinnar er afar góð á eftirsóknaverðum stað við Hlunnavog í Laugardalnum þaðan sem stutt er í skóla á öllum skólastigum, Íþróttasvæði Þróttar og Ármanns, Laugardalslaug, verslun og þjónustu og alla afþreyingu sem Laugardalurinn hefur upp á að bjóða. Stutt er í helstu stofnæðar frá hverfinu.

Fasteignamat aðalhæðar, efri hæðar og bílskúrs fyrir árið 2024 er kr. 106.350.000,-

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is