Hrafnshöfði 4

Fasteignasala Mosfellsbæjar kynnir: Mjög fallegt og mikið endurnýjað 175,1 m2 raðhús með innbyggðum bílskúr í litlum botnlanga við Hrafnshöfða 4 í Mosfellsbæ.  Eignin skiptist í eldhús, stofu/borðstofu, gang, 3 svefnherbergi, risloft/herbergi, tvö baðherbergi, forstofu og bílskúr með geymslulofti og þvottahúsi. Eignin er skráð 175,1 m2, þar af raðhús 145,5 m2 (þar af milliloft 19,1 m2) og bílskúr 29,6 m2. Milliloftið er stærra en skráðir fermetrar þar sem það er að hluta undir súð.
Tvær timburverandir. Stór afgirt timburverönd yfirbyggð að hluta í suðausturátt með grillaðstöðu, rafmagns saltvatnspotti frá Heitirpottar.is og ca. 15 m2 garðhúsi með rafmagni. Timburverönd í suðvesturátt og hellulagt bílaplan með snjóbræðslu.

Vinsæl staðsetning, stutt í Lágafellskóla, leikskólann Hulduberg og Lágafellslaug. Einnig er mjög stutt niður á golfvöll Mosfellsbæjar. 
Samkvæmt upplýsingum frá seljanda hefur verið farið í framkvæmdir og endurbætur á eigninni á síðustu árum. Sett var innrétting og fataskápar í bílskúrinn. Ný svalahurð sett í stofu. Parket var slípað og lakkað fyrir ca. 4 árum. Allar innréttingar og innihurðir lakkaðar svartar. Bætt var við öðru baðherbergi, þannig að nú eru tvö baðherbergi í húsinu. Bakgarðurinn var yfirbyggður að hluta, smíðaður pallur yfir alla baklóðina og byggt ca. 15 m2 einangrað garðhús sem er hitað með rafmagnsofni, nýtt í dag sem líkamsrækt. Rafmagns saltvatnspottur settur á timburverönd. Eldhúsið var opnað inn í stofu og borðstofu. Sett var stór eyja í eldhús frá Kvik. Húsið er nýmálað að utan.

Nánari lýsing:
Forstofa er rúmgóð með flísum á gólfi og gólfhita. Úr forstofu er innangengt í bílskúrinn.
Gangur er inn af forstofu með innbyggðum fataskápum og parketi á gólfi. Af gangi er teppalagður stigi upp í risloft/herbergi.
Eldhús, stofa og borðstofa er í opnu björtu rými og með parketi á gólfi. Mikil lofthæð er í rýminu sem gerir það bjart og skemmtilegt. Úr stofu er gengið út á timburverönd í suðvesturátt og úr eldhúsi er gengið út á timburverönd í suðausturátt. Í eldhúsi er falleg L-laga innrétting með Kvarts borðplötu frá Steinprýði og stór eyja. Mikið skápapláss. Í eyjunni er spanhelluborð, í innréttingunni er blástursofn, innbyggður ísskápur og uppþvottavél.
Baðherbergi nr. 1 er flísalagt með gólfhita, vegghengdu salerni, innréttingu með kvarts borðplötu frá Steinprýði og "walk in sturtu" sturtu. 
Baðherbergi nr. 2 er inn af hjónasvítu, flísalagt með vegghengdu salerni, innréttingu með kvarts borðplötu frá Steinprýði og "walk in sturtu" sturtu.
Svefnherbergi nr. 1 (hjónasvíta) er með parketi á gólfi. 
Svefnherbergi nr. 2 er með fataskápum og parketi á gólfi. Nýtt í dag sem fataherbergi.
Svefnherbergi nr. 3 er með fataskáp og parketi á gólfi. Milliloft er í herberginu.
Risloft/herbergi nr 4. er með parketi á gólfi og þakglugga. 
Bílskúrinn er með máluðu gólfi og geymslulofti. Innrétting og fataskápar eru í bílskúr. Innangengt er úr forstofu inn í bílskúrinn.
Þvottahús er inn af bílskúr.

Verð. kr. 146.000.000,-