Reynimelur 37

Einstaklega glæsilegt og vandað 217 m2 parhús með aukaíbúð með sérinngangi í kjallara á besta stað í Vesturbænum. Miklar endurbætur hafa verið unnar á húsinu bæði að innan og utan.   Hellulagt bílastæði inn á lóð. Garður er skjólgóður og sólríkur með fallegum gróðri. Stutt er í alla þjónustu og afþreyingu á svæðinu og er þetta afar hentug eign fyrir fjölskyldufólk. Íbúð í kjallara hentar vel til útleigu. Eign sem vert er að mæla með.

Nánari lýsing:
Miðhæð:
Forstofa með fallegum stiga upp á efri hæðina með fallegu upphaflegu tréhandriði. Lítið fatahengi fyrir framan gestasalerni.
Eldhús er með fallegri hvítri innréttingu frá HTH. Efri og neðri skápar og flísar á milli skápa. Ofn í vinnuhæð. Innbyggður ísskápur og uppþvottavél. Gashelluborð og veggháfur þar yfir.
Borðstofan er rúmgóð og björt með fallegri kamínu. Útgengt á svalir og þaðan eru tröppur niður í garðinn.
Stofa er rúmgóð og björt með fallegum hornglugga.
Bóka- /sjónvarpsherbergi með bókahillum. Svalir.
Gestasalerni með upphengdu salerni, vaskur, flísar á veggjum og gólfi.
Á hæðinni er gegnheilt harðviðarparket.

Efri hæð:
Gengið upp fallegan stiga upp á efri hæðina. Teppi á stiga og gangi.
Svefnherbergin eru þrjú, parket á gólfi, útgengt á svalir úr einu þeirra.
Fataherbergi með innréttingu og hillum.
Geymsla með glugga, flísar á gólfi. Lagnir fyrir þvottavél og vask.
Baðherbergi með fallegri innréttingu með rúmgóðum skúffum, gott pláss í hillum bak við rennurhurðir sem ná upp í loft, mósaík flísar í sturtu með sturtugleri, baðkar. Handklæðaofn og gólfhiti. Varmaskiptir er fyrir heita vatnið fyrir alla eignina.

Háaloft er yfir húsinu með fellistiga upp. Þakgluggi.

Kjallari:
Innangengt er niður í kjallara. Þar er þvottahús og fullbúin 3-4ra herbergja íbúð með sérinngangi. Alrými með fallegri eldhúsinnréttingu. Þrjú svefnherbergi. Baðherbergi með sturtu og fallegri innréttingu. Tengi og pláss fyrir þvottavél í innréttingunni. Hentar vel til útleigu.

Garður:
Garðurinn er einstaklega skjólgóður og sólríkur með fallegum gróðri. Rúmgóð helluögð verönd. Útigeymsla. Sér bílastæði á lóðinni með hleðslustöð. Hiti er í útitröppum. Óupphituð geymsla undir tröppunum.



Endurbætur:
Árið 2006 var húsið mikið endurnýjað. Skipt var um þakjárn, glugga, dren/skólp/niðurföll, raflagnir/tengla, ofna. En þá voru líka skipt um innréttingar og baðherbergi endrnýjuð.

Nánari upplýsingar:
Aðalsteinn Jón Bergdal lgf. í síma 767-0777 eða á netfanginu alli@trausti.is
Auðun Ólafsson lgf. í síma 894-1976 eða á netfanginu audun@trausti.is
Kristján Baldursson lgf. í síma 867-3040 eða á netfanginu kristjan@trausti.is