Laufbrekka 7

Gimli fasteignasala og Sigþór Bragason, löggiltur fasteignasali, kynna:
Fallegt einbýlishús með aukaíbúð

Eignin er 229,7 m² að stærð, þar af er íbúðarhlutinn 173,7 m² og bílskúrinn 56,0 m². Fallegur garður með miklum gróðri og einstakri útiaðstöðu. Vel við haldið hús á frábærum stað miðsvæðis í Kópavogi.

Nánari lýsing
Forstofa er með góðum fataskápum og flísalögðu gólfi.

Herbergi 1 er gott herbergi við forstofu með parketlögðu gólfi.

Herbergi 2–3 hafa verið sameinuð í eitt mjög stórt hjónaherbergi með tveimur gluggum og fataskápum. Auðvelt er að skipta herberginu aftur í tvö herbergi.

Baðherbergi hefur verið endurnýjað. Það er flísalagt í hólf og gólf og þar er falleg innrétting, upphengt salerni, handklæðaofn og rúmgóð, opin sturta með glersturtuskjóli. Opnanlegur gluggi er á baðherberginu.

Eldhús er með fallegri, endurnýjaðri innréttingu og miklu skápaplássi. Þar er stórt helluborð með fallegum háfi yfir, innbyggð uppþvottavél og rúmgóður borðkrókur. Eldhúsið er bjart og fallegt, með tveimur gluggum.

Stofa og borðstofa eru rúmgóðar og bjartar. Yfir borðstofunni er langur gluggi við þakið sem hleypir mikilli birtu inn í rýmið. Stofan er rúmgóð, með gluggum á tvo vegu og tvöfaldri hurð út á skjólsæla verönd.

Verönd er stór og skjólsæl, með góðum sólargangi, og gengið er út á hana úr stofunni.

Þvottahús er við hlið forstofunnar. Þar er flísalagt gólf, pallur fyrir þvottavél, skápar og innrétting með skolvaski. Stór, opnanlegur gluggi er í rýminu.

Aukaíbúð er á jarðhæð hússins. Um er að ræða tveggja herbergja íbúð, sem hefur verið mikið endurnýjuð og er með sérinngangi. Eitt svefnherbergi, baðherbergi, stofa og eldhús. Nýta má stofuna sem herbergi ef aukaíbúðin er samnýtt með efrihæðinni.

Bílskúr er 56,0 m² að stærð og var byggður árið 2005. Hann er sérlega rúmgóður, með flísalögðu gólfi, stórri innkeyrsluhurð með fjarstýrðum opnara og tveimur gönguhurðum. Yfir hluta bílskúrsins er milliloft sem býður upp á mikið geymslupláss. Þriggja fasa rafmagn er í bílskúrnum.

Bílastæði er stórt og hellulagt fyrir framan húsið og rúmar fjölda bíla.

Geymsluskúr er í garðinum, ætlaður undir grill og garðáhöld. Verönd er framan við skúrinn.

Garðurinn er sérlega fallegur, með miklum og gróskumiklum gróðri, og hefur verið vel hirtur.

Útiaðstaða er einstaklega góð. Stór timburverönd er út frá stofunni, hellulögð verönd er við hlið hennar og steypt verönd er á neðri palli vestan við húsið.

Endurbætur og viðhald
2005: Bílskúr byggður. Þriggja fasa rafmagn er í bílskúrnum.
2008: Skipt um þakjárn.
2012: Rafmagnstafla endurnýjuð og nýtt rafmagn dregið að stórum hluta á efri hæð hússins.
2023: Skipt um glugga og gler.
2025: Skipt um hitagrind og þrýstijafnara.
2026: Húsið málað að utan.

Samantekt
Um er að ræða virkilega fallega og bjarta eign sem hefur verið vel við haldið og er á frábærum stað miðsvæðis í Kópavogi. Eignin býður upp á frábæra möguleika, sjálfstæða aukaíbúð og einstaklega glæsilega útiaðstöðu með fallegum, gróskumiklum garði.

Þetta er virkilega falleg og björt eign sem hefur verið hugsað vel um  á frábærum stað miðsvæðis í Kópavogi. Sérlega flott og mikil útiaðstaða og fallegur garður.

Nánari upplýsingar veitir Sigþór Bragason, Löggiltur fasteigna, fyrirtækja og skipasali, í síma 899 9787, eða sendu fyrirspurn með tölvupósti á sb@gimli.is