Tjarnabraut 34

Valný fasteignasala og Valgeir Leifur lögg. fasteignasali kynna:

Tjarnabraut 34, 260 Reykjanesbær – Glæsilegt og fjölskylduvænt einbýlishús á einni hæð með innbyggðum bílskúr.
Eignin er vel skipulögð með fjórum rúmgóðum svefnherbergjum, tveimur baðherbergjum, rúmgóðri stofu og borðstofu í björtu og opnu alrými ásamt glæsilegu eldhúsi með vandaðri U-laga innréttingu frá HTH og tækjum frá AEG. Eignin skilast með stórum 60 m² timburklæddum sólpalli með skjólveggjum og heitum potti sem verður tilbúinn til notkunar. Lóðin skilast snyrtilega frágengin með tyrfingu, steyptu bílaplani með snjóbræðslukerfi. Gólfhiti er í öllum rýmum, auk loftskiptikerfis með varmaendurvinnslu.

Nánari upplýsingar veitir Valgeir Leifur / Löggiltur fasteignasali / 780-2575 / valgeir@valny.is

Smelltu hér til að fá öll helstu gögn um eignina.

Myndirnar sýna hús númer 30. Fyrir hús númer 28 og 34 hafa kaupendur möguleika á að velja lit á innréttingum, parketi og hurðum eftir eigin óskum. Eignin skilast fullbúin á byggingarstigi 4, matsstigi 7.

Samkvæmt fasteignaskrá HMS er eignin skráð samtals 168,90 m², þar af er íbúðarrými 146,0 m² og innbýgðum bílskúr 22,90 m². Eign merkt 01-01, fastanúmer 251-9819 ásamt öllu því sem eigninni fylgir, þar með talið tilheyrandi lóðar og sameignarréttindi.

Lýsing og skipulag eignar:
Forstofa er björt og rúmgóð með flísum á gólfi og góðum fataskáp.
Eldhús verður með vandaðri U-laga innréttingu frá HTH með mjúklokun á skúffum og hurðum ásamt heimilistækjum frá AEG (Uppþvottavél, ofn og hellurborð) og háfur frá Elica. Ísskápur fylgir ekki með.
Stofa og borðstofa mynda opið og bjart alrými með harðparketi á gólfi og beinu útgengi út á verönd, þar mun rísa 60 m² timburklæddur sólpallur með skjólveggjum og heitum potti sem skilast fullbúinn til notkunar.
Hol er rúmgott og tengir saman öll rými eignarinnar.
Hjónaherbergi er vel skipulagt og rúmgott (11,7 m²) með sér fataherbergi (3,6 m²).
Þrjú herbergi verða með harðparketi á gólfum og tvö þeirra með fataskáp. (11,4 m², 10,5 m² og 7,4 m²)
Baðherbergi verður flísalagt í hólf og gólf, með snyrtilegri innréttingu sem býður upp á ágætt skápapláss, upphengdu salerni og walk-in sturtu.
Snyrting er einnig flísalögð og búin sturtu, upphengdu salerni og vaski með LED spegli.
Þvottahús verður með flísalögðu gólf og innréttingu fyrir bæði þvottavél og þurrkara í vinnuhæð. Frá þvottahúsi er innangengt í bílskúr.
bílskúr er 19 m² að stærð og verður með Epoxy-gólfi og bílskúrshurð með rafmagnsopnun. Rafmagns-ídráttarrör fyrir rafbílahleðslu er við hlið bílskúrshurðar.

Innihurðar eru frá Birgisson. Gólfefni eignarinnar eru vönduð; baðherbergi, þvottahús og forstofa eru flísalögð, bílskúr með Epoxy-gólfi, en önnur rými eignarinnar eru með 10 mm harðparketi frá Birgisson. Blöndunartæki frá Grohe.

Byggingarlýsing:
Úti:
Eignin er staðsteypt á hefðbundinn hátt. Útveggir eru einangraðir að utan með steinull og klæddir með stallaðri álklæðningu sem fest er á ál-undirkerfi. Gluggar og útihurðir eru úr timbri/áli, dökkgráir að utan og hvítir að innan. Opnanleg fög eru útbúin viðurkenndum stormjárnum fyrir örugga rýmingu um björgunarop. Allir gluggar eru með tvöföldu einangrunargleri. Þak er uppbyggt með tveimur lögum af bræddum þakpappa, takkadúk þar yfir, tvöfaldri 10 cm einangrun, jarðvegsdúk og að lokum fargi (t.d. möl eða sambærilegt steinefni). Öll niðurföll frá þaki eru tengd við fráveitukerfi bæjarins. Sökklar og botnplata eru úr staðsteyptri, járnbentri steinsteypu. Undir botnplötu er plasteinangrun og utan á sökkla er steinullareinangrun. 
Inni:
Í loftum er innfelld LED lýsing. Eignin er með tengjum fyrir tölvu og síma ásamt hitastilli í hverju rými fyrir gólfhitakerfi. Eignin er með loftskiptikerfi með varmaendurvinnslu frá FIT Agix sem samkvæmt framleiðanda tryggir allt að 40% orkusparnað. Útveggir eru pússaðir eða slípaðir, sandsparslaðir, grunnaðir og málaðir með tveimur yfirferðum af plastmálningu (gljástig 7% eða sambærilegt). Léttir innveggir eru hlaðnir úr léttstein, sandsparslaðir, grunnaðir og málaðir með tveimur yfirferðum af plastmálningu (gljástig 7% eða sambærilegt). Loft eru sandspörsluð, grunnað og máluð með tveimur yfirferðum af plastmálningu (gljástig 2 eða sambærilegt). Loft og veggir í votrýmum (baðherbergi og þvottahús) eru máluð með viðurkenndri votrýmismálningu.

Lóð og aðkoma:
Innkeyrsla verður steypt með snjóbræðslukerfi. Rafmagns-ídráttarrör fyrir rafbílahleðslu er við hlið bílskúrshurðar. Lóð verður tyrfð. Sólpallur verður timburklæddur, um 60 m² að stærð. Heitur pottur verður uppsettur og fullbúinn til notkunar. Sorpskýli verður steypt og staðsett innan lóðarmarka.

Nánari upplýsingar veitir Valgeir Leifur / Löggiltur fasteignasali / 780-2575 / valgeir@valny.is

Ertu að leita að nýbyggingum? Skoðaðu úrvalið hjá Valný – smelltu hér.
Ertu að hugsa um að selja? Smelltu hér og fáðu frítt verðmat.
Ekki missa af draumaeigninni – fylgstu með okkur á Instagram og Facebook
Lestu reynslusögur frá ánægðum viðskiptavinum okkar.

- Fasteignasalan sem opnar dyrnar að þinni eign.

Valný Real Estate Agency advises both sellers and potential buyers, who do not have Icelandic as their first language, to get the assistance of a translator when viewing and signing all necessary documents relating to buying and selling properties.

Um skoðunar- og aðgæsluskyldu: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valný fasteignasala bendir öllum sem hugsa sér að kaupa, að kynna sér vel ástand fasteignarinnar við skoðun fyrir tilboðsgerð og leita til sérfræðinga um nánari ástandsskoðun ef þörf þykir.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Kostnaður sem kaupandi þarf að standa straum af: 
1. Stimpilgjald: 0,8% af fasteignamati, 0,4% fyrir fyrstu kaupendur og 1,6% fyrir lögaðila.
2. Þinglýsingagjald: 2.700 kr. á hvert skjal (kaupsamningur, veðleyfi o.fl.)
3. Lántökukostnaður: Samkvæmt verðskrá viðkomandi lánastofnunar.
4. Þjónustu- og umsýslugjald fasteignasölu: Samkvæmt gjaldskrá Valný fasteignasölu.
5. Ef um nýbyggingu er að ræða, ber kaupanda að greiða skipulagsgjald sem nemur 0,3% af brunabótamati þegar það er innheimt.

Valný fasteignasala | www.valny.is | Tjarnargötu 2, 230 Reykjanesbær | Opið alla virka daga frá 9:00-16:00