Áshlíð 8

Kasa fasteignir 461-2010.

Ásahlíð 8, Glerárhverfi. Um er að ræða 263,9 fm einbýlishús með innbyggðum bílskúr og lítil íbúð á neðri hæð. Húsið er byggt árið 1966 og stendur í grónu hverfi í Glerárhverfi. 
Gróðursæll garður, nýleg verönd með flísalögðu gólfi.

Eignin skiptist með eftirfarandi hætti:
Efrihæð: Forstofa, stofa/borðstofa, eldhús, þvottahús, baðherbergi og lítil snyrting inn af þvottahúsi. Á hæðinni eru 2 svefnherbergi og er lítið mál að útbúa 2 önnur svefnherbergi á hæðinni. Hæðin er skráð 128,3 fm.
Neðrihæð: þar er lítil íbúð með sér inngangi. Stór alrými innangent í bílskúr. Opið er á milli hæða - hringstigi. Neðrihæð er skráð 101, 8 fm og bílskúrinn 33,8 fm.

Efrihæð:
Forstofa: Er með flísum á gólfi.
Hol: Lítið hol er til hliðar við forstofu, þar var áður herbergi. flísar eru á gólfum.
Stofa/Borðstofa: Er nokkuð rúmgott rými með parketi á gólfum og stórum gluggum.
Eldhús: Þar er hvít eldri innrétting sem er komin til ára sinna. Flísar eru á gólfum og hluta af veggjum. Timbur þiljur eru á vegg við eldhúsborð.
Þvottahús: Er inn af eldhúsinu, en þar er einnig bakinngangur á hæðina. Eldri innrétting. Áður var lítið búr sem er búið að sameina við þvottahúsið.
Gestasalerni: Er inn af þvottahúsi, þar eru flísar á gólfum og veggjum. Vaskur og salerni.
Herbergjagangur: Er parketlagður.
Herbergi: Á hæðinni eru 2 herbergi í dag, áður voru þau 4. Hjónaherbergi er með lausum fataskáp og flísum á gólfi. Gengið er út á suður svalir úr hjónaherbergi. Hitt herbergið er með litlum skáp og teppi á gólfi.

Stigi á milli hæða er timburstigi.

Neðrihæð:
Hol: Stórt rúmgott hol er á neðrihæð með teppi á gólfum. Hægt er að nýta rýmið á ýmsa vegu, einn gluggi er á því.
Geymslurými: Búið er að stúka af hluta af holinu með léttum vegg og gera geymslu rými.
Bílskúr: Er nokkuð hrár og þarfnast viðhalds. Timbur bílskúrshurð er á skúrnum og er hún ekki í góðu ásigkomulagi.
Inn af bílskúr er lítil geymsla sem áður var hitakompa.

Íbúð á neðrihæð:
Hol: Sér inngangur er í íbúðina, Komið er inn í Hol með steyptu gólfi.
Eldhús: Er með eldri innréttingu sem er komin til ára sinna. Þar er dúkur á gólfi. Í dag er opið inn í Hol aðalíbúðar úr eldhúsi.
Baðherbergi: Er mjög lúið, flísar á veggjum og gólfi. Sturta, salerni og vaskur.
Stofa: Er með teppum á gólfi.
Herbergi: Er dúk á gólfi og litlum skáp.

- Eignin er staðsett í grónu íbúðarhverfi á vinsælum stað á Akureyri, stutt í skóla, leikskóla, verslun og aðra þjónustu.
- Húsið er með mikla möguleika en þarfnast nokkura endurbóta. Væntanlegum kaupendum er því bent á að skoða eignina vel.
- Þak er steypt með kurlklæðningu, steinull og þakplötur ofan á.
- Að utan hefur húsinu verið vel við haldið, m.a. með reglulegri málun, og er ásýnd þess að utan góð. Steypt stétt liggur að húsinu og nýleg verönd er við aðalinngang sem er flísalögð.
- Lóð er stór og gróin.
- Gott tækifæri fyrir laghenta!

Nánari upplýsingar í síma 461-2010 eða kasa@kasafasteignir.is

------------

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Kasa fasteignir benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Gjöld sem kaupandi þarf að standa straum af vegna kaupanna:
1. Stimpilgjald sýslumanns af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati eignar.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.