Fossatunga 6

**  Eignin er seld með fyrirvara **

RE/MAX og Guðrún Lilja löggiltur fasteignasali kynna í einkasölu: Einstaklega fallegt og vel skipulagt 135,0 fm. nýlegt endaraðhús á einni hæð með innbyggðum bílskúr á rólegum og eftirsóttum stað í Leirvogstungu Mosfellsbæ. Íbúðarýmið er 112,0 fm. og skiptist í forstofu, sjónvarpshol, eldhús opið til borðstofu og stofu með útgengt út á stóra og skjólgóða viðarverönd til suðurs, þrjú mjög rúmgóð svefnherbergi og baðherbergi með þvottaaðstoðu. Bílskúr er skráður 23,0 fm., hár til lofts og með góðu geymslulofti.  

Hátt til lofts og vítt til veggja - fallegar og stílhreinar innréttingar og gólefni - gólfhitakerfi.  Björt og falleg fjölskyldueign á rólegum og eftirsóttum stað í Leirvogstungu Mosfellsbæ. 

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

** BÓKIÐ EINKASKOÐUN ** Upplýsingar og bókun í skoðun veitir Guðrún Lilja í síma 867-1231 eða með tölvupósti á netfangið gudrunlilja@remax.is.  

Nánari lýsing:
Forstofa er rúmgóð og björt með fataskápum, flísar eru á gólfum. Úr forstofu er innangengt í bílskúr.
Eldhús, borðstofa og stofa er í björtu og opnu samliggjandi rými með töluverðri lofthæð. Vandað harðparket er á gólfum. Eldhús er með fallegum hvítum og stílhreinum innréttingum, ofn í vinnuhæð, helluborði og viftu.  Úr borðstofu og stofu er útgengt út á stóra og skjólgóða viðarverönd til suðurs.  Búið er að leggja rafmagnskapal út á verönd fyrir ljós og tengla og einnig er lagnaleið frá bílskúr út á pall fyrir heitan pott, bæði fyrir vatn og rafmagn (rör til staðar en eftir að draga í og ganga frá).
Svefnherbergin eru þrjú, öll mjög rúmgóð og björt með fataskápum, harðparket á gólfum.
Baðherbergi er stílhreint með fallegri dökkri vaskinnréttingu með speglalýsingu og góðu skúffuplássi. Sturta með glerþili, upphengt salerni og handklæðaofni. Flísalagt gólf og veggir að hluta.  Góð þvottaaðstaða er á baðherbergi með innréttingu fyrir þvottavél og þurrkara.
Bílskúr er skráður 23,0 fm., hár til lofts og með góðu geymslulofti. Epoxy á gólfum.
Bílastæði og lóð fyrir framan hús er ófrágengin en gert er ráð fyrir tveimur bílastæðum.  Lóð við hlið hússins ófrágengin en með mikla möguleika. Sjá lóðamörk á teikningum.

Arn-Verk ehf. sá um hönnun hússins. Byggingarlýsing: Húsið er fjögurra íbúða raðhús á einni hæð með bílskúr. Útveggir eru járnbent steinsteypa, staðsteyptir og einangraðir að innanverðu með 100mm polistyrene plasteinangrun. Veggir eru steinaðir á utan með ljósum lit. Að innan eru veggir múraðir og sparslaðir. Þak er timburþak, byggt upp með timbursperrum. Borðaklæðning, þakpappi og ysta klæðning er alu-zink bárujárn. Loft er neðan í sperrum að innan og klætt að neðan með sléttri gifsklæðningu. Gluggar og hurðir eru timburgluggar, hvítir að lit. Gluggar og hurðir eru ísteypt.  Hitakerfi er ísteyptur gólfhiti

Leirvogstunga er afar fjölskylduvænt hverfi, skipulagt með einungis sérbýlum í útjaðri höfuðborgarinnar þar sem lögð er áhersla á nálægð við náttúruna. Gönguleiðir um hverfið tengjast við gönguleiðir á fell og dali í næsta nágrenni. Stutt göngufjarlægð í laxveiði, hestamannahverfi Harðar, Tunguvöll og flugklúbb Mosfellsbæjar, fallegar göngu og hjólaleiðir ásamt mótorsporti. Stutt er í skóla og verslanir þar sem Tunguvegur tengir hverfið við Varmárskóla, Kvíslarskóli, íþróttamiðstöðina og miðbæ Mosfellsbæjar, allt í innan við 2-3 mín. akstursfjarlægð en einnig gengur skólabíll í Varmárskóla og strætó á 15 mín fresti um hverfið. Akstursfjarlægð frá miðbæ Reykjavíkur er um 15-20 mín.  Innan hverfis er einnig leikskóli, upplýstur battavöllur og körfuboltavöllur. 

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.