Eskihlíð 29

RE/MAX og Guðrún Lilja löggiltur fasteignasali kynna í einkasölu: Einstaklega falleg og björt 2-3ja herbergja 41,30 fm. risíbúð í töluvert endurnýjuðu fjórbýli á eftirsóttum stað í Hlíðunum. Íbúðin skiptist í forstofuhol, eldhús og stofurými með útgengt út á suður svalir með fallegu útsýni, tvö svefnherbergi og baðherbergi.  Yfir íbúðinni eru óskráðir fm. í rislofti með glugga sem býður upp á ýmsa möguleika.   

Mjög góð staðsetning og göngufæri er í alla helstu þjónustu, stutt í skóla og leikskóla, menntaskólann við Hamrahlíð og Háskólann í Reykjavík, Kringluna ofl.  Einnig er Klambratún, Öskjuhlíð, Nauthólsvík og miðbær Reykjarvíkur í næsta nágrenni. Eignin er laus við kaupsamning eða eftir samkomulagi.

Nánari upplýsingar veitir Guðrún Lilja Tryggvadóttir, löggiltur fasteignasali í síma 867-1231, gudrunlilja@remax.is

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

Nánari lýsing
Inngangur er sameiginlegur með íbúð á neðri hæð, mjög falleg aðkoma er að húsinu og sameign snyrtileg.
Forstofuhol íbúðar er með innbyggðum fataskáp. Góðar súðageymslur eru að auki í stofu og svefnherbergjum.
Eldhús er opið inn til stofu, falleg ljós upprunaleg innrétting með viðarborðplötu og flísar á milli skápa. Helluborð og bökunarofn. Innfelld borðaðstaða hefur verið útbúin í gluggakvisti.
Stofa og borðstofa er í björtu og opnu rými með útgengt út á suður svalir með fallegu útsýni.  
Svefnherbergin eru tvö, rúmgott hjónaherbergi með innbyggðum fataskápum. Barnaherbergið er minna (skráð sem geymsla á eldri teikningum) með súðageymslu.
Baðherbergi er með sturtuklefa og glugga í kvisti, salerni og vaskinnréttingu með spegli. Innbyggður skápur er undir súð.  Dúkur á gólfi en veggir eru flísalagðir.
Risloft er yfir íbúðinni sem býður upp á ýmsa möguleika, parketlagt og með glugga.
Nýlegt harðparket frá Birgison er á öllum rýmum en á baðherbergi er dúkur frá Parka.
Þvottahús er sameiginlegt, staðsett í sameign.
Garður er sameiginlegur, nýleg hellulögn í kringum húsið og steypt sorptunnuskýli.
Bílastæði sameiginleg, búið að setja rafmagn í jörðu fyrir hleðslustöðvar.

Ath. gólfflötur íbúðar er töluvert stærri en uppgefnir fm. þar sem hluti íbúðar er undir súð.

Framkvæmdir og viðhald síðustu ára:
2023 ný hellulögn í kringum húsið og sett upp steypt sorptunnuskýli.
2020 var húsið sprunguviðgert og endursteinað.  Gert við tröppur og tröppuveggi ásamt skyggni. Tröppur flotaðar og handrið steypt upp á nýtt. Einnig var skipt um glugga og gler sem ekki var endurnýjað 2016.
2016 var skipt um þakjárn og þakpappa og þakrennur endursteyptar.  Skipt um glugga og gler að hluta.
2010 var sameign tekin í gegn.
2008-2009 voru nýjar klóaklagnir frá stamma og sett nýtt dren ásamt tveim brunnum. Dren framlengt undir tröppur 2021.

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.