Rauðalækur 28

Nýtt á skrá! Rauðalækur 28 Reykjavík - Bókið skoðun.

Lind fasteignasala / Heimir Hallgrímsson lögg. fasteignasali kynnir virkilega fallega og vel staðsetta 5 herbergja hæð með bílskúr við Rauðalæk 28 í Reykjavík. Heildareignin er alls 151,3 fermetrar að stærð og þar af 22,9 fermetra bílskúr. Möguleiki er að leggja tveimur bifreiðum í innkeyrslu við bílskúr. Fallegt og sjarmerandi alrými þar sem eldhúsið er opið við borðstofu og setustofu. Einnig er setustofa opin við rúmgott vinnurými sem auðvelt er að loka af og útbúa rúmgott þriðja svefnherbergið (innihurðir eru til og fylgja). Útgengi á svalir til suðurs frá því rými. Vandað gegnheilt parket með fiskibeinamynstri á flestum rýmum.

Eignin skiptist í forstofu, sjónvarpshol, alrými (setustofa, borðstofa og eldhús), 2-3 svefnherbergi, baðherbergi og svalir til suðurs og vesturs. Bílskúr og góð stæði fyrir framan. Þvottaherbergin eru tvö, mjög rúmgóð rými og tilheyrir hvert um sig tveim íbúðum. Þá er sérgeymsla í kjallara.

Eignin hefur fengið gott viðhald á undanförnum árum. Þakið norðan megin hefur verið endurnýjað (pappi, bára og flasningar). Þakið sunnan megin verður yfirfarið og málað sumarið 2025 (kostnaður greiddur af seljanda). Þakkantur hefur verið yfirfarinn og málaður. Allar svalir á húsinu voru endurnýjaðar á árunum 2020 - 2021 (steinn, steinunn og ný handrið). Þá er búið að endursteina bakhliðar á bílskúrum og þakskyggni ásamt því að steinrenna var lagfærð. Rafmagn eignarinnar hefur verið endurnýjað að hluta. Eldhús og baðherbergi var endurnýjað fyrir u.þ.b. 10 árum síðan og var þá gegnheilt parket íbúðar pússað upp og olíuborið. Auk þess er búið að endurnýjað sameiginlegan stigagang, þ.e. mála og skipta um teppi.

Lóðin er 696,0 fermetrar að stærð, snyrtileg og sameiginleg. Tyrfður garður til suðurs með fallegum trjágróðri og afgirt að hluta. Sandkassi og bekkur í eigu húsfélagsins, sem og trampólín fyrir yngstu kynslóðina.

Nánari lýsing:
Forstofa: Með gegnheilu parketi og skápum.
Sjónvarpshol: Með gegnheilu parketi á gólfi. 
Setustofa: Er rúmgóð með gegnheilu parketi á gólfi og gluggum til austurs og suðurs. Setustofa er opin við borðstofu, eldhús og vinnurými (sem er hægt að breyta í svefnherbergi).
Borðstofa: Er rúmgóð með flísum á gólfi og glugga til austurs. Borðstofa er opin við eldhús og setustofu. Granít í gluggakistu.
Eldhús: Með fallegri eldhúsinnréttingu og flísum á gólfi. Granít á eldhúsborðum og gluggakistu og undirfelldur vaskur. AEG stál bakaraofn og AEG stál gufuofn. AEG spansuðu helluborð, innb. AEG uppþvottavél og stál háfur. Fallegur tvöfaldur amerískur kæliskápur fylgir. Niðurtekið loft að hluta með Innfelldri lýsingu í lofti og fallegri óbeinni lýsingu. 
Búr: Er staðsett inn af eldhúsi með hillum.
Herbergi/vinnurými: Er í dag opið við setustofu. Auðvelt að breyta í rúmgott þriðja svefnherbergið. Gegnheilt parket á gólfi og gluggar til suðurs. Útgengi á svalir.
Svalir: Voru endurgerðar/endurbyggðar fyrir u.þ.b. fjórum árum síðan. Snúa inn í skjólgóðan bakgarð til suðurs. Ryðfrítt upphækkað handrið var sett á svalirnar.
Svefnherbergi II: Með teppi á gólfi og glugga til suðurs.
Hjónaherbergi: Með teppi á gólfi, góðum skápum og glugga til vesturs. Útgengi á svalir II.
Svalir II: Snúa til vesturs og voru endurnýjaðar fyrir u.þ.b. fjórum árum síðan. Lagfærðar, steinaðar og ryðfríu handriði bætt við þær.
Baðherbergi: Með flísum á gólfi og veggjum. Gólfhiti er á baðherbergi. Baðkar með sturtutækjum, innrétting við vask með speglaskáp fyrir ofan og upphengt salerni. Innfelld lýsing í lofti.

Bílskúr: Er 22,9 fermetrar að stærð og mjög snyrtilegur með nýju epoxy gólfi. Upphitaður (nýlegur ofn og ofnalagnir) með köldu og heitu vatni. Gluggi og hurð til suðurs og vaskur. Útgengi til suðurs í bakgarð hússins.
Sérgeymsla: Er 4,6 fermetrar og er staðsett í kjallara. Málað gólf, hillur og gluggi til austurs.

Þvottaherbergi: Er staðsett í kjallara. Þvottaherbergin eru tvö, mjög rúmgóð rými og tilheyrir hvert um sig tveim íbúðum. Snyrtilegt og með sér tenglum fyrir hvora eign fyrir sig. Hægt að vera með þvottavél og þurrkara. Gluggar til austurs.
Hitarými: Er sameiginlegt og nýtist m.a. undir áhöld í eigu húsfélagsins. Gluggi til austurs. 

Staðsetning eignarinnar: Er afar góð á eftirsóknarverðum stað í Laugardalnum þaðan sem stutt er í skóla á öllum skólastigum, Íþróttasvæði Þróttar og Ármanns, Laugardalslaug, verslun og þjónustu við Laugalæk og alla afþreyingu sem Laugardalurinn hefur upp á að bjóða. Stutt er í helstu stofnæðar frá hverfinu.

Nánari upplýsingar:
Heimir Hallgrímsson, lögg. fasteignasali / heimir@fastlind.is / 849-0672