Grenimelur 19

***VINSAMLEGA BÓKIÐ SKOÐUN***

Valhöll kynnir til sölu parhús á góðum stað í Vesturbæ Reykjavíkur. Góð staðsetning í nálægð við margvíslega þjónustu, sundlaug, verslun, skóla, leikskóla og fallegar gönguleiðir.

Húsið er skráð 251,7 fm að stærð hjá Þjóðskrá Íslands og skiptist samkvæmt skráningu þar í 71 fm kjallara, 102,6 fm miðhæð og 78,1 fm efri hæð. Samkvæmt teikningu af húsinu eru þessir fletir hins vegar samtals ekki nema um það bil 207 fm að stærð þ.e. 71 fm kjallari, 71 fm miðhæð og 65 fm efri hæð. Að auki er svo rúmgott ris sem er óskráð og býður upp á ýmsa möguleika. Samkvæmt núverandi deiluskipulagi má byggja allt að 30 fm bílskúr á lóðinni. Á húsinu eru tvennar svalir og af öðrum þeirra liggja tröppur niður í stóran bakgarð sem snýr í suður.

Fasteignamat ársins 2026 er áætlað 172.700.000 kr. 

Endurbætur á húsi:
Samkvæmt seljendum er búið að fara í eftirfarandi endurbætur á húsinu undanfarna 24 mánuði:

• Nýtt rafmagn dregið í allt húsið, nýjar rafmagnstöflur, nýjir rofar og innstungur. Dimmerar settir í flestar dósir. Lagnaefni eru fallegir brass tenglar og rofar, sérinnflutt frá Bretlandi.
• Nýjar frárennslislagnir í allt húsið og út í götu.
• Nýjar vatnslagnir í allt húsið, hitaveitulagnir og neysluvatnslagnir.
• Ný hitaveitugrind.
• Margir ofnar endurnýjaðir þ.e. ofnum skipt út fyrir aðra gamla og yfirfarna ofna. Allir ofnar lakkaðir.
• Nýtt baðherbergi í kjallara.
• Nýtt eldhús í kjallara með nýjum tækjum.
• Ný gólfefni, eikar viðarparket og teppi á stiga.
• Húsið málað að innan.
• Gluggar spartlaðir og málaðir að innan.
• Baðherbergi á efri hæð endurnýjað að hluta. Á eftir að setja sturtu, tæki, innréttingu og flísaleggja gólf og veggi.
• Veggur tekinn niður milli eldhúss og stofu og settur burðarbiti í loft.
• Nýjar vatns- og rafmagnslagnir komnar út í garð.
• Nýjar vatns- og rafmagnslagnir og nýjar dósir komnar í eldhús. Vantar eldhúsinnréttingu og tæki.
• Nýtt þriggja fasa rafmagnsinntak fyrir öfluga rafbílahleðslustöð.
• Þakrými var einangrað, vatnslagnir lagðar og gert ráð fyrir litlu eldhúsi eða bar. Þá vor lagðar nýjar hitalagnir og nýr nýr ofn settur upp.

Þá var húsið var steinað að utan og þakjárn þess endurnýjað fyrir rúmlega 20 árum.

Nánari upplýsingar veitir:
Óskar H. Bjarnasen fasteignasali / lögmaður í síma 691-1931 eða á netfanginu oskar@valholl.is

Nánari lýsing:

Kjallari:
Kjallarinn getur nýst sem sér íbúð með sér inngangi en sameiginlegri þvottaaðstöðu. Kjallarinn skiptist í alrými sem samanstendur af stofu og nýju og glæsilegu eldhúsi, svefnherbergi, glæsilegu baðherbergi, þvottahúsi, geymslu og anddyri. Hægt er að ganga niður í kjallarann frá miðhæðinni eða að utan um sérinngang.

Miðhæð:
Miðhæðin skiptist í forstofu, salerni, stofu, borðstofu og eldhús. Úr stofu er gengið út á svalir og þaðan eru tröppur niður í bakgarðinn.

Efri hæð:
Efri hæðin skiptist í gang, þrjú svefnherbergi og baðherbergi. Útgengi út á svalir frá hjónaherbergi. Frá efri hæðinni er gengið upp í ris.

Ris:
Risið er rúmgott og er núna eitt opið rými með tveimur þakgluggum. Risið býður upp á ýmsa möguleika. 

Garðurinn:
Garðurinn er stór og með grasbala og trjágróðri. Bílastæði er við hlið hússins.

Athygli er vakin á því að fasteigna- og brunabótamat og opinber gjöld eru miðuð við núverandi skráningu eignarinnar hjá HMS en ekki stærð samkvæmt teikningu.

Nánari upplýsingar veitir:
Óskar H. Bjarnasen fasteignasali / lögmaður í síma 691-1931 eða á netfanginu oskar@valholl.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valhöll fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.