Hagi Breiðavík lóð 20

Hagi Breiðavík lóð 20, Rangárþingi ytra.

Um er að ræða 49,8 fm sumarhús á eignarlóð við Eystra Gíslholtsvatn í Rangárþing ytra. Húsið er byggt árið 1993 úr timbri og er klætt að utan með standandi timburklæðningu en bárujárn er á þaki.  Að innan skiptist húsið í tvö svefnherbergi, forstofu, baðherbergi, stofu og eldhús opið í eitt. Spónaparket er á öllum gólfum nema á baðherbergi þar er dúkur. Á baðherberginu er sturta, salerni og vaskur. Í eldhúsi er viðarinnrétting. Úr stofu er útgengt á verönd.  Við bústaðinn er verönd með heitum potti.

Lóðin er mjög falleg og með miklum gróðri. Stærð lóðarinnar er 1.200 fm Auk þess er sameiginlegt leiksvæði með leiktækjum og sparkvöllur er á svæðinu.  Eignin er í skipulögðu sumarhúsahverfi sem telur 24 lóðir.  Svæðið er afgirt með læstu hliði.

Silungsveiði er í Eystra Gíslholtsvatni.  Veiðiréttur fylgir í vatninu. Búið er að útbúa litla höfn þar sem gott er að koma bátum út á vatnið.