Hrísmóar 13

Sérlega björt og falleg 4ra herbergja íbúð á 2.hæð (merkt 01-02) í vel staðsettu húsi við Hrísmóa 13 í Garðabæ. Birt flatarmál eignarinnar er 136 fm og er  íbúðarrýmið 114 fm auk bílskúrs 22 fm. Innan íbúðar er forstofa, tvö barnaherbergi, hjónaherbergi, baðherbergi, stofa, borðstofa og eldhús. Búið að útbúa aðstöðu fyrir þvottavél og þurrkara inn á baðherbergi. Vel staðsett íbúð sem býður upp á mikla möguleika. Húsið hefur fengið gott viðhald m.a. þakið endurnýjað fyrir nokkrum árum.

Nánari upplýsingar veitir Gunnar Bergmann Jónsson í síma 839-1600 eða gunnarbergmann@eignamidlun.is

Nánari lýsing eignar: 
Fallegur og vel með farinn marmari er á alrými íbúðarinnar frá forstofu, eldhúsi og stofu. Baðherbergi flísalagt og dúkur á svefnherbergjum.
Í forstofunni er nokkuð rúmgóður fataskápur. Hjónaherbergið er rúmgott með góðum fataskápum. Barnaherbergin tvö eru rúmgóð með góðum fataskápum. Léttur veggur frá öðru herberginu sem liggur að stofunni. Auðveldlega hægt að stækka stofuna töluvert á kostnað herbergisins. Baðherbergið er flísalagt, með salerni, baðkari með og góðri eldri innréttingu. Aðstaða fyrir þvottavél og þurrkara inn á baðherbergi. Sameiginlegt þvottahús og þurrkherbergi á jarðhæð sem er mjög snyrtilegt.
Eldhúsið er með ágætis eldri innréttingu, að hluta til opið inn í stofu. Stofan og borðstofan  eru í opnu björtu rými með fallegum marmara á gólfi og útgengt er á góðar svalir úr stofunni.
Í sameign er vagna- og hjólageymsla. Sameiginlegt þvottahús og þurrkherbergi. Einnig sér geymsla sem fylgir íbúðinni og er ekki inn í birtum fermetrum eignarinnar. Mjög rúmgóður bílskúr með hárri lofthæð, niðurfall, heitt og kalt vatn.
Verið er að skipta um þá glugga á suðvestur hlið hússins og verið að yfirfara aðra glugga í húsinu. Þá er einnig verið að fara í viðgerð á köntum, járni og vatnsbrettum. Yfirlýsing húsfélags liggur fyrir og er íbúðin að greiða 25.921 kr á mánuði í hússjóð.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. þjónustusamning.
Eignamiðlun ehf. - Grensásvegur 11, 108 Reykjavík - eignamidlun@eignamidlun.is - Gunnar Bergmann Jónsson löggiltur fasteignasali.