Hrísateigur 8

LIND fasteignasala og Helga Pálsdóttir löggiltur fasteignasali kynnir  90,8 m2  3 .herbergja íbúð á neðstu hæð með sérinngangi að Hrísateig 8, 105 Reykjavík. Gengið er inn í íbúðina Hraunteigsmegin en aðrir eigendur ganga inn Hrísateigsmegin. Fasteignamat 2026 verður 66.750.000.

Innanhús er búið að leggja nýtt viðarparket á alla íbúðina, eldhús standsett með sérsmíðuðum frontum og stein frá Granítsmiðjunni. Stór og gróinn garður er í kringum húsið. Góð eign á vinsælum stað í Teigunum í Reykjavík með fjölbreytta þjónustu, verslun allt í kring ásamt fallegum útivistarsvæðum.

Helstu framkvæmdir sameignar
* 2024 Steypt ruslatunnuskýli sett upp og aðkoma að inngangi 1. og 2. hæðar hellulögð.
* 2023 Drenlögn lögð á norðvesturhlið og upp með hliðum sitt hvorum megin.
* 2022 Húsið sprunguviðgert og þakkantur steyptur upp að nýju, húsið steinað að utan, allir gluggar og gler í húsinu endurnýjaðir ásamt svalahurðum á 1. og 2. hæð og útidyrahurðum á íbúðum í kjallara, útidyrahurð fyrir 1.  og 2. hæð pússuð og lökkuð.
* 2021 Möl í innkeyrslu endurnýjuð.
* 2020 Þéttiefni borið á svalagólf á 1. og 2. hæð og mottur lagðar yfir, svalahandrið á svölum 1. hæðar endurnýjað og viðbygging sprunguviðgerð.
* 2006 Drenlögn lögð á suðausturhlið.
* 2005 Hattur settur á skorstein.
* 2004 Skolplögn undir húsi endurnýjuð.
* 1990-2000 Rafmagnstafla endurnýjuð fyrir allt húsið og allar íbúðir, ofnakerfi fyrir húsið endurnýjað með Danfoss ofnakerfi, og skolprör milli 1. og 2. hæðar endurnýjað ásamt því að skolprör milli kjallara og 1. hæðar var endurnýjað að stærstum hluta. Kalda-og heitavatnsinntak í húsið endurnýjað.

Helstu framkvæmdir innanhúss
2020: Eldhús standsett, sérmsíðaðir frontar frá Sérsmíði - Nýtt parket lagt á alla íbúðina - nýir gólflistar á alla íbúðina - Nýir ofnar í svefnherbergi og stofu ásamt nýjum flísum í eldhúsi. 2024 dregið rafmagn í forstofu, gang og hjónaherbergi.

Nánari lýsing:
Anddyri: Gengið innum sérinngang. Flot á gólfi
Svefnherbergi I: Rúmgott. Nýr fjórfaldur fataskápur með rennihurðum.
Svefnherbergi II: Rúmgott barnaherbergi.
Stofa: Rúmgóð og björt með glugga í tvær áttir.
Skáli: Miðrými íbúðar. Stór geymsluskápur. 
Eldhús: Nýlega standsett eldhús. Innrétting frá IKEA með sérsmíðuðum frontum. Kvartssít náttúrusteinn á eldhúsbekk. Innbyggðar hillur í vegg með LED-lýsingu og flísar á vegg.
Geymsla: Lítil geymsla innan íbúðar.
Baðherbergi: Flísalagt í hólf og gólf. Sturtuklefi, upphengt salerni og handklæðaofn. Baðinnrétting með neðri skúffum, vask og efri speglaskáp. Innrétting með aðstöðu fyrir þvottavél og þurrkara.
Garður: Stór sameiginlegur gróinn garður í kringum hús.

Falleg, björt og mikið uppgerð eign bæði að innan og að utan á vinsælum stað steinsnar frá Laugardalnum. Stutt í fjölbreytta þjónustu, verslun og útivistarsvæði. Allar upplýsingar um eignina veitir Helga Pálsdóttir fasteignasali í síma 822 2123 eða helga@fastlind.is