Álfaheiði 2

Kaupstaður fasteignasala kynnir glæsilega og vel skipulagða íbúð með sér inngangi, suðurverönd og bílskúr í klasahúsi í Suðurhlíðum Kópavogs. Húsið er hannað þannig að allar íbúðir hafa sér inngang og sem minnsta snertingu við næstu eignir, þannig er engin íbúð fyrir ofan þessa. Eignin er skráð 121,2 fm þar af er íbúðin sjálf 97,3 fm og bílskúr 23,9 fm. Íbúðin skiptist í forstofu, opið og bjart eldhús, stofu, 3 svefnherbergi og baðherbergi.

Fáðu nánari upplýsingar og gerðu tilboð á sölusíðu eignarinnar.

Nánari lýsing:
Forstofa flísalögð með vínil leðurflísum, góðir fataskápar með rennihurðum.
Eldhús er opið og bjart og afar vel skipulagt, því var breytt 2010, stækkað og opnað þannig að þvottahús var felt inn í eldhúsið og er aðstaða í sérsniðnum skáp með innréttingu og góðri aðstöðu. Stór eyja er með eldavél og borðaðstöðu fyrir 3 til að sitja við. Að öðru leiti er eldhúsið afar vel skipulagt með rúmgóðri innréttingu, mikið borð/vinnupláss og góðir gluggar. Innfelld lýsing og sérstaklega lagt fyrir fleiri rafmagnstenglum og dimmerum á ljós. Vínil leðurflísar eru á gólfi. Geymsluloft er yfir eldhúsi.

Stofan/borðstofa er rúmgóð og rúmar vel bæði borðstofu og setustofu. Frá borðstofu er hurð út á afgirtan og sólríkan pall með skjólveggjum en íbúðinni fylgir ca 14,5 fm sér afnotareitur mót suðri.
Hjónaherbergi I er rúmgott með stórum skápum með rennihurðum. Útgengi út í garð (bakvið húsið) frá hjónaherberginu.
Svefnherbergi II sem er inn af forstofu er með góðum fataskáp með rennihurð og með parketi á gólfi.
Svefnherbergi III er með þreföldum fataskáp og parketi á gólfi.
Baðherbergi er rúmgott og vel innréttað, það var endurnýjað 2021, upphengt salerni, handklæðaofn, baðkar og sturta. Gluggi er með opnanlegu fagi. Flísar eru á gólfi og sturtu.
Íbúðin var mikið endurnýjuð árið 2010, m.a. eldhús, innihurðir og fataskápar og mest rafmagn íbúðar.
Bílskúr: 23,9 fm. er með geymslulofti yfir hluta, heitt og kalt vatn og eldri innrétting í enda sem nýtist vel fyrir áhöld og verkfæri. Nýleg bílskúrshurð með ganghurð. Bílarafhleðslustöð er á utanverðum bílskúrsvegg.

Góð aðkoma er að húsinu og eigninni, hennir fylgir eitt sérmerkt stæði fyrir framan inngang að húsinu auk bílastæðis fyrir framan bílskúrinn.
Einstaklega falleg eign í góðu ástandi, í góðu og fjölskylduvænu hverfi þar sem stutt er í skóla, leikskóla, íþróttamannvirki, verslanir og þjónustu og almennar samgöngur.

Fyrirvarar:

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.

Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.