Lágholt 4

Trausti fasteignasala kynnir í einkasölu virkilega fallegt og mikið endurnýjað einbýlishús við Lágholt 4 í Stykkishólmi.  Húsið stendur á á einum veðursælasta stað Hólmsins fagra, þar sem stutt er í alla þjónustu. 

Eignin er á einni hæð með bílskúr og rúmgóðri geymslu í kjallara, samtals 199,6 fermetrar að stærð samkvæmt FMR, þar af 39 fermetra bílskúr. Að auki eru kaldar geymslur í bakgarði sem nýtast vel fyrir garðverkfæri og húsgögn. Húsið skiptist í anddyri, þrjú svefnherbergi, baðherbergi, eldhús, sjónvarpshol, stofu og sólstofu sem tengist bakgarði, auk þvottahúss og bílskúrs þar sem innaf er auka herbergi sem skráð er sem geymsla. Húsið er byggt 1972 og bílskúr 1975 en var klætt síðar með stení.

Frá árinu 2018 hefur húsið verið endurnýjað nánast frá grunni af mikilli natni og fagmennsku. Skólplagnir voru endurnýjaðar, dren sett í kringum kjallara og gólfhiti fræstur inn í öll gólf. Allt rafmagn og vatnslagnir voru endurnýjaðar, einangrun í loftum skipt út og sett steinull, og bæði gólfefni og loft endurnýjuð. Þá var sólskáli rifinn og endurbyggður með steyptum kjallara undir og nýjum gluggum. Nýjar útihurðir voru settar að framan og aftan, og skipt var um þak árið 2011. Baðherbergi og eldhús var einnig endurnýjað í öllu þessu ferli.

Bakgarðurinn er sannkölluð útivistarperla og skapar frábæra aðstöðu fyrir samveru og slökun. Þar er stór lerkipallur, um 80 fermetrar, með bæði heitum og köldum potti. Hluti pallsins er undir skyggni svo þurrt sé að ganga milli húss og bílskúrs, og í garðinum má einnig finna fallegt hlaðið eldstæði á hellulagðri stétt. Bílastæði eru beggja vegna við gafla hússins, til vesturs og austurs. Það vestara um 100 fermetrar og hið austara um 75 fermetrar.

Hér er á ferð vönduð og vel skipulögð eign með einstöku útivistarsvæði í bakgarðinum. Hér er sjón sannarlega sögu ríkari.
Bókið skoðun hjá Bjössa.

Nánari upplýsingar veitir Þorbjörn Geir Ólafsson, löggiltur fasteignasali, í síma 895-5198 eða með tölvupósti á bjossi@trausti.is