Svarthamrar 64

Betri Stofan fasteignasala kynnir: Talsvert endurnýjaða og vel skipulagða 3ja herbergja íbúð á 2. hæð með sérinngangi af svölum á þessum eftirsótta stað við Svarthamra 64 í Grafarvogi. Íbúðin er skráð  92,4 fm og að auki er sérgeymsla í sameign sem er ekki í skráðum fermetrum.
Lýsing eignar:
Komið er inn í forstofu með flísum á gólfi og fataskápum. Eldhús og stofa er opið rými, eldhús með innréttingu á 2 hliðum, efri og neðri skápar, stál á milli, flísar á gólfi, gluggi í eldhúsi, stofan er með harðparketi og gengið út á svalir, í enda stofu er lítill sólskáli.  2 mjög rúmgóð svefnherbergi, bæði með skápum og harðparketi.  Baðherbergi er flísalagt í hólf og gólf með baðkari, glugga, ljósri innréttingu og tengi fyrir þvottavél.  Í sameign er hjóla- og vagnageymsla og sérgeymsla sem er ekki í skráðum fermetrum.

Staðsetning og nærumhverfi:
Íbúðin er staðsett í grónu fjölskylduhverfi stutt í Hamraskóla sem er staðsettur í Dynhömrum 9. Í hverfinu er leiksskólinn  Klettaborg en í Grafarvogi eru 12 leiksskólar. 
Grafarvogslaug er staðsett í Dalhúsum, skíðalyftan í Grafarvogi er í Húsahverfi. Egilshöll er staðsett í Fossaleyni og þar eru Sambíóin, Keiluhöllin, Skautasvæði, World Class og fleira. Spöngin býður upp á margvíslega þjónustu og er í göngufæri frá eigninni. Þar er meðal annars að finna heilsugæslu, sjúkraþjálfun, matvöruverslun, bakarí, hárgreiðslustofu, snyrtistofu, blómabúð, veitingastaði, fiskbúð, dýrabúð og aðrar sérverslanir. Það sem einkennir hverfið er mikil nánd við náttúruna. Þar ber helst að nefna svæði eins og Gufunesið, Grafarvoginn og ánna Korpu. Hverfið markast einnig af langri og fallegri sjávarsíðu sem umlykur hverfið að stórum hluta.

Nánari upplýsingar veitir Páll Þórólfsson löggiltur fasteignasali í síma 893-9929 eða pall@betristofan.is