Kaplaskjólsvegur 93

Bjarni Blöndal löggiltur fasteignasali (bjarni@remax.is/s:662-6163) kynnir: Sérlega falleg, mikið endurnýjuð og rúmgóð 4ra herbergja íbúð á 2.hæð í lyftuhúsi í hjarta Vesturbæjarins. Íbúðin er 116,7fm og henni fylgir ca. 6 fm geymsla á fyrstu hæð sem er ekki inni í ofangreindum fermetrum. Tvennar rúmgóðar svalir í austur og vestur. Fasteignamat 2026 verður 97.650.000.

NÁNARI LÝSING:Komið inn í anddyri með nýlegum fataskápum. Salerni innaf anddyri með upphengdu wc, handklæðaofn og tengi fyrir þvottavél og þurrkara. Þaðan er gengið inn í rúmgott nýlegt eldhús með fallegri og vandaðri innréttingu, gott vinnu- og skápapláss, eyja sem hægt er að sitja við með skápum, vönduð tæki, gluggi í vestur. Eldhúsið er opið í miðju íbúðar og er hjartað í henni. Stofan og borðstofan eru samliggjandi, mjög rúmgóðar með útgengi á sólríkar vestur svalir. Gengið er niður tvö þrep í svefnálmu. Gott sjónvarpshol. Tvö barnaherbergi. Hjónaherbergi með góðu skápaplássi með útgengi á svalir sem snúa í suð-austur. Baðherbergið er endurnýjað, rúmgott með fallegri innréttingu, speglaskápur með innfelldri lýsingu, sér rúmgóð sturta og gott baðkar. Þvottahús er á hæðinni sem einungis 3 íbúðir hafa aðgang að.
GÓLFEFNI: Fallegt parket er á öllum gólfum nema baðherbergjum þar sem eru flísar.

Framkvæmdir eigenda:
2020: Eldhús endurnýjað. Meirihluti íbúðar var heilspartlaður og hún öll máluð. Nýtt parket sett á svefnherbergi, skála, stofu og eldhús. Baðherbergi á neðri palli endurnýjað með nýjum flísum, tækjum og innréttingu. Þar sem skráð er geymsla á efri palli var gert nýtt salerni með aðstöðu fyrir þvottavél og þurrkara. Barnaherbergi, sem höfðu verið sameinuð í eitt stórt herbergi skipt aftur í tvö herbergi. Skipt var um allar hurðir innandyra, þ.e. hurðir inn í svefnherbergin, salerni og baðherbergi ásamt nýrri hurð við tröppur á milli palla. Skipt um ofn í skála og lítinn ofn í hjónaherbergi
2024: Skipt um ofna í stofu.

Framkvæmdir á vegum húsfélags:
2023: Skipt um eldhúsglugga og allir gluggar yfirfarnir og skipt um kítti meðfram gluggum að utan.
2024: Sameign máluð og skipt um gólfteppi.
2025: Steypuviðgerðir á ytra byrði hússins, það verður málað 2026. Svalir verða einnig slípaðar 2026 og vatnshalli lagaður á þeim. Skipt um glugga í sumum íbúðum og sameign. Þak yfirfarið og gert við þar sem leki var á efstu hæð. Rafmagnstafla í sameign endurnýjuð.

Í sameign á efstu hæð er sauna og svæði fyrir líkamsræktaraðstöðu ásamt útsýnissvölum. Sameiginleg vagna- og hjólageymsla á 1.hæð. Sameiginlegar hleðslustöðvar á bílaplani. Stór lóð með leiktækjum.

Þetta er gullfalleg eign á besta stað í Vesturbænum, göngufæri við miðborgina. Stutt í leikskóla, skóla, tónlistarskóla, Háskóla Íslands, íþróttasvæði KR, Sundlaug Vesturbæjar, Melabúðina, veitingastaði og náttúrusvæðið við Ægissíðu.