Borgarland 14

Ljómandi fínt einbýlishús á einni hæð með fjórum svefnherbergjum, rúmgóðu stofu- og eldhúsrými með útgengt á steypta verönd. Bílastæði er einnig steypt.
Verið er að byggja við húsið tvö rúmgóð svefnherbergi, fataherbergi og baðherbergi, samtals um 35 m² sem ekki eru skráðir í fermetratölu hússins í dag. Útveggir (steypt) nýbyggingar eru komnir.
Stofa og eldhús eru í opnu rými með parket á gólfi og þaðan er útgengt á steypta verönd í garði. Baðherbergi er flísalagt, þar er bæði baðkar og sturta. Ágæt innrétting er á baðherbergi. Fjögur svefnherbergi eru í húsinu, öll með parket á gólfi. Eitt herbergjanna hefur verið útbúið í hluta af bílskúr sem þýðir að bílskúr nýtist ekki sem slíkur heldur sem góð geymsla. Þessu er hægt að breyta til baka. Í húsinu er lítið þvottahús með máluðu gólfi og þaðan er útgengt í bakgarð.