Stuðlaberg 78

Berglind Hólm lgfs. og RE/MAX kynna: Sérlega fallegt og mikið endurnýjað endaraðhús á besta stað í Setberginu í Hafnarfirði. Húsið er á tveimur hæðum og sérlega gott skipulag er á milli hæða. Bílskúr fylgir eigninni og er hann enda skúr í bílskúrslengju við enda raðhússins. Skipulag eignar: Jarðhæð skiptist í góða forstofu, gestasalerni, þvottaherbergi/geymsla, eldhús, og rúmgott alrými sem rúmar, setustofu, borðstofu og sólstofu, efri hæð skiptist í rúmgott sjónvarpshol, aðalbaðherbergi, 3 rúmgóð svefnherbergi.  Bílskúr er skráður 18 m2 og er með hitaveitu og köldu rennandi vatni.
Árið 2007 var húsið tekið og endurnýjað að mestum hluta. Gólfhiti var lagður í öll gólf innan íbúðarrýmis, endurnýjað rafmagn, öll gólfefni endurnýjuð ásamt innréttingum í eldhúsi og á baðherbergjum og allir fataskápar. Rut Kára teiknaði og hannaði allar innréttingar sem eru allar sérsmíðaðar. Sólstofan er opin yfir í alrýmið, gluggar og gler er einnig allt endurnýjað í sólstofu. Gengið er út á stóra timburverönd frá bæði eldhúsi og frá sólstofu.
 
Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is
 
Nánari lýsing eignar:
Fyrir framan húsið eru tvö góð bílastæði með hellum og snjóbræðslu, einnig er sér bílastæði sem fylgir eigninni fyrir framan bílskúrinn sem fylgir eigninni. Fyrir framan húsið er einnig svæði með snúrustaur sem hægt er að bæta við einu auka bílastæði ef þörf er á.
Nánari lýsing húss:
Jarðhæð:
Forstofa: Komið er inn í sérlega rúmgóða forstofu með stórum og góðum fataskáp sem nær veggja á milli og upp í loft með rennihurðum. Fallegar ljósar flísar eru á gólfi.
Gestasalerni: Gestasalernið er með fallegum flísum á gólfi, skáp fyrir ofan salernið og sérlega vönduðum tækjum og innbyggðum blöndunartækjum.  
Þvottaherbergi + geymsla: Þvottaherbergið er mjög rúmgott með miklu skápaplássi og góðri vinnuaðstöðu. Hvítir skápar ná upp í loft og vinnuborð með neðri skápum er við annan vegginn, þar er einnig opnanlegur gluggi og vinnuvaskur. Steinn er á borði og fallegar flísar eru á gólfi.
Eldhús: Eldhúsið er fallega innréttað með góðu skápaplássi og vinnuplássi. Hvít innrétting er á þrjá veggi + eyja. Svart granít er á borðum, rými er fyrir tvöfaldan ísskáp, við eyju er gas og keramik helluborð og gott setusvæði. Fallegu útskotsgluggi er í rýminu þar sem hægt er að ganga út á verönd hússins. Fallegar flísar eru á gólfi.
Alrými: ( setustofa, borðstofa, sólstofa )
Stofurýmið er sérlega rúmgott og bjart með fallegum gluggum og opið yfir í sólstofuna. Fallegar ljósar flísar eru á gólfi. Búið er að endurnýja glugga og gler í sólstofunni bæði í hliðum og þaki í viðhaldsléttu efni. Stór rennihurð er frá sólstofunni út á veröndina sem snýr í há suður og vestur.
Efrihæð:
Fallegur stigi er upp á efri hæð hússins (hannaður af Rut Káradóttur)
Sjónvarpshol: Þegar komið er upp á efri hæðina er miðja rýmisins teiknað sem rúmgott sjónvarpshol. Mikil lofthæð er í rýminu og sérlega fallegur útskotsgluggi með útsýni setur skemmtilegan svip á rýmið.
Aðalbaðherbergi: Aðalbaðherbergið er rúmgott með glugga. Ljósar flísar eru á gólfi og á veggjum hjá baðkari og sturtu. Góð innrétting er undir vaskaborði með skúffum. Vaskaborð er úr steini og tveir ofanáliggjandi vaskar þar á. Blöndunartæki eru innbyggð. Við salernið er sérlega vel hannaður innbyggður skápur með mjög miklu skápaplássi. Baðkar er með innbyggðum blöndunartækjum og við hlið baðkarsins er góð sturta með glervegg sem er beint á gólf. Handklæða ofn er á vegg hjá baðkarinu.
3 x svefnherbergi: Svefnherbergin eru þrjú. Öll herbergin eru rúmgóð með parketi á gólfi og góðum fataskápum með rennihurðum sem ná upp í loft og vönduðum skúffum, hillum og hengi. Út úr tveimur af herbergjunum er útgengt á góðar suður svalir með flísum á gólffleti.
Bílskúr: Bílskúrinn er sérstæður í bílskúrslengju sem staðsett er við enda raðhússins. Bílskúrinn er endaskúr skráður 18 m2 með hitaveitu og köldu rennandi vatni.
 
Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is