Langalína 20

Nýtt á skrá! Langalína 20 í Garðabæ - Bókið skoðun.

Stórar stofur og extra breitt bílastæði í bílakjallara með rafhleðslustöð. Fataherbergi inn af hjónaherbergi. Stór afgirt verönd, svalir og útsýni yfir sjóinn og til fjalla. Frábær íbúð í húsi byggðu af BYGG.
-- Möguleiki er að bæta við þriðja svefnherberginu á kostnað sjónvarpsstofu --

Lind fasteignasala / Heimir Hallgrímsson lögg. fasteignasali / heimir@fastlind.is / 849-0672 - kynnir afar glæsilega 133,0 fermetra 4ra herbergja íbúð með stórri afgirtri verönd, svölum með útsýni og bílastæði í bílakjallara við Löngulínu 20 í Garðabæ. Vandað lyftuhús byggt árið 2016 af BYGG. Íbúðin er björt og með stórum gluggum (gólfsíðum í stofu, eldhúsi og sjónvarpsstofu). Vandað eldhús með eyju og kvartssteini á borðum. Gólfhiti er í allri íbúðinni og þvottaherbergi inn af íbúð. Rúmgóð svefnherbergi með skápum sem ná upp í loft. Baðherbergi flísalagt í gólf og veggi.  Myndavéladyrasími er í húsinu og sérgeymsla inn af bílastæði í lokuðum bílakjallara.

Um er að ræða virkilega glæsilega íbúð á eftirsóttum stað í Sjálandi í Garðabæ. Lóðin er 3274,0 fermetrar að stærð og er sameiginleg með Löngulínu 20-26 sem myndar sameiginlegt húsfélag. Lóðin er virkilega falleg og vel viðhaldin með hellulögðum stéttum með snjóbræðslu, tyrfðum flötum, garðbekkjum og leiksvæði. Næg sameiginleg malbikuð bílastæði eru við húsið.

Fasteignamat 2026 er kr. 118.000.000,-

Nánari lýsing: 
Forstofa: Með harðparketi á gólfi og góðum skápum sem ná upp í loft.
Eldhús: Er smekklegt með harðparketi á gólfi og fallegri eikar eldhúsinnréttingu með hvítum efri skápum (smíðaðar af Brúnás). Kvartssteinn á borðum, stál AEG bakaraofn og AEG combi ofn. Spansuðu helluborð, eyjuháfur og innbyggð AEG uppþvottavél. Stæði fyrir tvöfaldan kæliskáp. Flísar á milli skápa og lýsing undir efri skápum. Gólfsíður gluggi til norðausturs.
Stofa: Er stór með harðparketi á gólfi og gólfsíðum gluggum til norðausturs. Stofa er opin við eldhús og rúmar vel setustofu og borðstofu. Innfelld lýsing í loftum og stórir gólfsíðir gluggar með fallegu útsýni. Útgengi á svalir frá stofu.
Svalir: Eru rúmgóðar með svalaþiljum á svalagólfi. Svalir snúa til austurs og eru með fallegu útsýni út á sundin og til fjalla.
Sjónvarpsstofa: Er rúmgóð með harðparketi á gólfi, gólfsíðum gluggum til suðvesturs. Útgengi á verönd.
Verönd: Afgirt viðarverönd er stór (u.þ.b. 40 fermetrar) og snýr inn í garð hússins til suðvesturs. Afar skjólgóð og sólrík verönd.
Baðherbergi: Með flísum á gólfi og á veggjum. Flísalögð sturta með innbyggðum sturtutækjum, innrétting við vask og speglaskáp fyrir ofan. Upphengt salerni og handklæðaofn.
Þvottaherbergi: Innan íbúðar. Flísar á gólfi, tengi fyrir þvottavél og þurrkara (hækkun undir vélar) og vaskur í innréttingu.
Hjónaherbergi: Er rúmgott með harðparketi á gólfi og gluggum til suðvesturs. Fataherbergi er staðsett inn af hjónaherbergi.
Fataherbergi: Með harðparketi á gólfi og góðum skápum beggja vegna innan fataherbergis. Rennihurð til að loka herbergi af.
Svefnherbergi II: Með harðparketi á gólfi, skápum og glugga til suðvesturs. 

Sérstæði í bílakjallara: Er breitt og er merkt 01B31 (merkt í bílakjallara nr. 31). Rafhleðslustöð fylgir bílastæði. Snyrtilegur og lokaður bílakjallari.
Sérgeymsla: Í kjallara sem er 7,5 fermetrar.

Í sameign er aðgengi að: Sameiginlegri hjóla- og vagnageymslu sem er snyrtileg með máluðu gólfi. Stigagangur er mjög snyrtilegur með flísum og teppi. Auk þess er sameiginleg geymsla fyrir húsin í kjallara.

Um er að ræða frábæra staðsetningu í Sjálandshverfi í Garðabæ þar sem stutt er í fallegar göngu- og hjólaleiðir við sjóinn. Jónshús, félagsmiðstöð fyrir eldri borgara í göngufjarlægð. 

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is