Jakasel 36

Háborg fasteignasala og Katla löggiltur fasteignasali kynna Jakasel 36, 109 Reykjavík – glæsilegt 227,7 fm einbýlishús á tveimur hæðum með bílskúr.
Um er að ræða einstaklega vel skipulagt og fallegt einbýlishús í lokuðum og skjólgóðum botnlanga í Reykjavík. Húsið skipar: forstofu, eldhús, stóra stofu, þvottahús, tvö baðherbergi, sjónvarpsstofu, fjögur svefnherbergi, tvennar svalir, bílskúr og garð. Gólfflötur er töluvert stærri en uppgefnir fermetrar segja til um. Húsið stendur á rólegum og fjölskylduvænum stað, í göngufæri við skóla, íþróttasvæði og verslanir. Virkilega falleg eign sem vert er að skoða.

Upplýsingar um eignina veitir Katla Hanna Steed löggiltur fasteignasali í síma 822 1661 eða katla@haborg.is

Nánari lýsing
Aðalhæð skiptist í forstofu, þvottaherbergi, hol, eldhús, borðstofu, stóra stofu, svefnherbergi og baðherbergi.
Komið er inn í snyrtilega og rúmgóða forstofu. Eldhúsið er opið í tvær áttir, annars vegar frá holi og hins vegar inn í borðstofu, sem skapar gott gegnumflæði og tengir saman rýmið á fallegan hátt. Eldhúsið er með fallegri innréttingu með helluborði, ofn og combi ofn, kvarts stein borðplötu með undirlímdum vaski, og innbyggðri uppþvottavél og ísskáp. Borðstofan er í opnu rými við eldhús og stofu, með góðu plássi fyrir stórt borð og nýtur fallegrar birtu frá gluggum sem snúa til suðvesturs. Stofan er rúmgóð og björt með gluggum til tveggja átta sem hleypa inn góðri birtu. Rýmið skiptist í setustofu og sjónvarpsrými, með möguleika á fjölbreyttri rýmisnýtingu. Þar er innbyggð hillueining og  rafmagnsarinn með vatnsgufuáhrifum (Opti-myst) sem líkir eftir logum með raunverulegu útliti. Góður tengipunktur myndast á milli stofu, borðstofu og eldhúss sem skapar flæði og tengingu milli rýma á aðalhæð hússins. Útgengt er út á hellulagða verönd til suðvesturs úr stofu. Eitt herbergi er staðsett á aðalhæð hússins, rúmgott, bjart með vínylparket á gólfi og fataskáp. Baðherbergi I með glugga, flísar á gólfi, innréttingu og sturtu. Þvottaherbergið er rúmgott og vel skipulagt með flísalögðu gólfi og sérinngangi frá lóð. Innréttingar eru í ljósum lit. Gert er ráð fyrir þvottavél og þurrkara í innbyggðu rými með borðplássi og vaski við hliðina. Rýmið næst inngangi er hugsað sem framlenging af eldhúsinu, þar sem tæki eins og air fryer, klakavél og önnur fyrirferðarmeiri eldhústæki fá gott geymslupláss. Innbyggður frystir er í einum neðri skápnum.

Efri hæð skiptist í rúmgóða stofu/sjónvarpsrými, 2 rúmgóð barnaherbergi, hjónaherbergi með fataherbergi, baðherbergi og svalir til suðvesturs og norðausturs.
Gengið upp viðarstiga með fallegu handriði. Stofa / sjónvarpsrými er opið og rúmgott með mikilli lofthæð. Gluggar til tveggja átta og útgengt útá rúmgóðar svalir sem snúa til suðvesturs. Hjónaherbergi er með vínylparket á gólfi, fataherbergi og þaðan er útgengt á svalir sem snúa til norðausturs. Barnaherbergi II með vínylparket á gólfi, útgengi á rúmgóðar svalir til suðvesturs. Barnaherbergi III er rúmgott með vínylparket á gólfi og útgengi á svalir til norðausturs. Baðherbergið II er rúmgott og flísalagt á gólfi og flestum veggjum. Innrétting er falleg með kvartsteinborðplötu, innfelldum vaski og innbyggðu blöndunartæki í koparlit. Gott skápapláss. Sturtan er afmörkuð með glervegg og flísalögð í ljósum tónum með innbyggðu sturtutæki. Salerni er vegghengt og gluggi með opnanlegu fagi.
Bílskúr er 43,2 fermetrar með óskráðu geymslurisi. Málað gólf, rafmagnshurðaopnari, heitt og kalt vatn, upphitaður, 3ja fasa rafmagn, inngangshurð til suðvesturs, gluggar til suðvesturs og norðausturs, stórt vinnuborð, vaskur og hillur.
Lóðin er stór með grónum garði, mjög vel hirt og falleg. Góð aðkoma, upphitað bílaplan með stæði fyrir þrjár bifreiðar og búið er að bæta við grein í rafmagnstöflu fyrir hleðslustöð.
Núverandi nýting gerir ráð fyrir fjórum svefnherbergjum, en auðvelt er að bæta við því fimmta á kostnað stofu. 
Húsið hefur fengið gott viðhald. Neysluvatnslagnir hafa verið endurnýjaðar og settur upp varmaskiptir. Skipt hefur verið um alla ofna í húsinu. Eldhús var endurnýjað 2020, baðherbergi II endurnýjað 2024 og þvottahús endurnýjað 2025.
Fasteignamat 2026 verður 138.8 milljónir.
Seljendur eru opnir fyrir því að skoða að taka minni eign uppí kaup.
Staðsetning eignarinnar er afar góð, efst í lokuðum botnlanga. Stutt er í grunnskóla, menntaskóla og íþróttasvæði. Verslun og þjónusta í næsta nágrenni.

Pantið skoðun og fáið nánari upplýsingar Katla Hanna Steed löggiltur fasteignasali sími 822 1661 eða katla@haborg.is