Arnarhraun 47

Rúnar Örn Rafnsson og Fasteignasalan Grafarvogi kynna Arnarhraun 47 - einbýli á frábærum stað í Hafnarfirði

                   ** SELT MEÐ HEFÐBUNDNUM FYRIRVARA **

Hér er um að ræða tveggja hæða einbýlishýs með frístandandi bílskúr á stórri lóð á besta stað í Hafnarfirði. 
Eignin er skráð skv. þjóðskrá 288,2 m² sem skiptist þannig: Efri hæð 130 m², neðri hæð 119,2 m², bílskúr á lóð 39 m².
Hluti neðri hæðar er óskráður og er eignin því stærri en þessar tölur gefa til kynna.

Eignin þarfnst endurbóta og eru áhugasamir hvattir til að skoða hana með því hugarfari, og kynna sér vel ástand hennar.
 
Eigninni hefur verið skipt upp í fjórar íbúðareiningar og eru þær í útleigu.
Efri hæð er íbúð sem í dag er með fimm svefnherbergjum sem eru öll í útleigu.
Neðri hæð skiptist í tvær íbúðir sem eru í útleigu og einnig er þar sér geymslurými með lítilli innkeyrsluhurð.
Bílskúr á lóð hefur verið breytt í íbúð sem er í útleigu.
Á lóðinni er einnig 15 m² nýlegt garðhús sem hægt er að nýta sem gestahús (upphitað og með salerni og sturtu).

Nánari lýsing efri hæð:
Íbúð 1 er á tveimur pöllum. Forstofa er með fatahengi og flísum á gólfi. Hol á neðri palli er flísalagt. Á neðri palli er einnig stór parketlögð stofa sem í dag er stúkuð í þrennt (2 herbergi og setustofa). Eldhús er stórt og er því skipt í tvö rými. Á gólfi er korkur og parket. Úr holi er gengið út á verönd og þar er lítil sólstofa sem breytt hefur verið í baðherbergi með sturtu. Gengið er upp stiga úr holi á efri pallinn og parketlagðan gang þar sem gengið er inn í þrjú parketlögð herbergi ásamt flísalögðu baðherbergi með baðkari.

Nánari lýsing neðri hæð:
Útbúnar hafa verið tvær íbúðir á neðri hæðinni, báðar með sérinngangi.
Íbúð 2 er með inngang í parketlagt rými sem er stofa og eldhús. Innaf því eru tvö parketlögð herbergi, flísalgt baðherbergi með sturtuklefa og tengi fyrir þvottavél. Einnig geymslurými.
Íbúð 3 er parketlagt alrými (stúdíóíbúð), með eldhúskrók. Flísalagt baðherbergi, með walk-in sturtu og tengi fyrir þvottavél.
Geymslurými með gönguhurð og lítilli innkeyrsluhurð er einnig á neðri hæðinni, aðskilið frá íbúðareiningunum.

Nánari lýsing bílskúr á lóð:
Íbúð 4 hefur verið útbúin í þessum tvöfalda bílskúr. Gengið inn í parketlagt alrými með góðri eldhúsinnréttingu. Inn af alrými er ágætt herbergi. Gott baðherbergi með sturtu.
Til hliðar við bílskúrinn er búið að byggja skjólgóða og sólríka verönd. Gólfhiti er í þessu rými.

Til hliðar við bílskúrinn er lítið garðhýsi byggt úr bjálkum og einangrað. Panelklæddir veggir og loft. Parket á gólfi. Lítil snyrting með salerni og sturtu. Í þessu rými er gólfhiti og t.d. vel hægt að nýta sem gestahús.Lóðin sjálf er stór og góð. Keyrt er meðfram aðalhúsinu inn á baklóð með góðum bílastæðum sem eru milli hússins og bílskúrs / garðhýsis.

Eignin er í dag nýtt sem fjórar aðskildar leigueiningar og eru þær allar í útleigu. Auðvelt er að gera ýmsar breytingar á þessu fyrirkomulagi, sameina íbúðir, opna á milli hæða o.s.frv.
Áréttað er að eignin má við endurbótum á báðum hæðum. Innréttingar, gólfefni og fleira komið á tíma.

Þessi eign er á frábærum stað miðsvæðis í Hafnarfirði. Stutt í alla grunnþjónustu, skóla leikskóla, miðbæ Hafnarfjarðar o.s.frv. Örstutt ganga niður Arnarhraunið að læknum í Hafnarfirði.


Nánari upplýsingar um eignina veitir:
Rúnar Örn Rafnsson, löggiltur fasteignasali
Fasteignasalan Grafarvogi
S: 771-5600
runar@fastgraf.is

Fyrirvari:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Skorað er á væntanlega kaupendur að kynna sér vel ástand fasteignarinnar og/eða leita til þar til bærra sérfræðinga um nánari skoðun.