Dýjagata 4

Nýtt á skrá! Opið hús - Dýjagata 4 Garðabæ - fimmtudaginn 5. júní klukkan 18:00 - 18:30

Lind fasteignasala / Heimir Hallgrímsson lögg. fasteignasali kynnir glæsilegt og vel skipulagt 224,4 fermetra raðhús með bílskúr við Dýjagötu 4 í Garðabæ. Um er að ræða frábæra staðsetningu í Urriðaholti í Garðabæ þar sem glæsilegs útsýnis nýtur að Urriðavatni og víðar.

Húsið, sem er á tveimur hæðum, er með fjögur svefnherbergi (öll stór), sjónvarpsstofu, stóru alrými sem samanstendur af eldhúsi, borðstofu og stofu. Tvennar svalir eru á húsinu með afar fallegu útsýni að Urriðavatni. Rúmgóðar hellulagðar verandir til suðurs og norðurs og heitum pottur í bakgarði. Tvö baðherbergi á sitthvorri hæðinni og stórt þvottaherbergi/geymsla. 

Húsið er hið vandaðasta með aukinni lofthæð í öllu húsinu, hljóðdúk á efri hæð og gólfhitakerfi á báðum hæðum. ABB Free Home ljósastýring í húsinu. Innfelld lýsing í loftum og dimmerar á öllum ljósum. Falleg kvöldlýsing við stiga á milli hæða. Vönduð eldhústæki og blöndunartæki eru í húsinu.

Staðsetning hússins er afar góð í einni af fallegri götum höfuðborgarsvæðisins. Glæsilegar göngu- og hjólaleiðir í kringum Urriðavatn og stutt í fallega stíga í Heiðmörk. Stutt í alla verslun og þjónustu, leikskóla og grunnskóla. Einn glæsilegasti golfvöllur landsins, hjá Golfklúbbinum Oddi, í næsta nágrenni.

Fasteignamat ársins 2026 er kr. 180.850.000,

Nánari lýsing.
Neðri hæð:
Forstofa: Er rúmgóð með flísum á gólfi og góðum skápum. Innfelld lýsing í lofti.
Svefnherbergi I: Er stórt, með harðparketi á gólfi og skápum. Gluggar til suðurs og innfelld lýsing í loftum.
Sjónvarpsstofa: Er rúmgóð, með harðparketi á gólfi og innfelldri lýsingu í lofti.
Verönd: Er rúmgóð, afgirt og hellulögð með heitum potti. 
Svefnherbergi II: Er stórt, með harðparketi á gólfi og skápum. Gluggar til suðurs og innfelldri lýsingu í lofti. Útgengi úr herbergi á hellulagða verönd til suðurs.
Svefnherbergi III: Er stórt og með harðparketi á gólfi. Gluggar til norðurs inn í bakgarð hússins og innfelld lýsing í loftum.
Baðherbergi I: Er flísalagt í gólf og veggi. Baðkar með sturtutækjum. Flísalögð sturta með glerþili og vönduðum innbyggðum Grohe blöndunartækjum. Góð innrétting við vask, upphengt salerni og handklæðaofn. Innfelld lýsing í loftum og opnanlegur gluggi til norðurs.
Þvottaherbergi/geymsla: Er rúmgott með flísum á gólfi. Vegleg innrétting með góðu skápaplássi. Upphækkun undir þvottavél og þurrkara, hillur, vinnuborð og vaskur.

Efri hæð: Gengið er upp fallegan steyptan stiga með harðparketi á gólfi og glerhandriði.
Stofa: Er stór með harðparketi á gólfi og mikilli lofthæð. Hljóðdúkur og innfelld lýsing í loftum. Stofa rúmar vel setustofu og borðstofu. Stórir gólfsíðir gluggar til suðurs og norðurs. Útgengi á tvennar svalir sem snúa annars vegar til suðurs og hins vegar til norðurs með afar fallegu útsýni.
Svalir I: Eru rúmgóðar og snúa til suðurs. Fallegt útsýni að Heiðmörk, Skarðshlíð og víðar.
Svalir II: Eru rúmgóðar og snúa til norðvesturs inn bakgarð hússins með afar fallegu útsýni að Urriðavatni, yfir Hafnarfjörð og víðar.
Eldhús: Er afar fallegt með harðparketi á gólfi og AXIS eldhúsinnréttingu með eyju. Góður tækjaskápur í innréttingu. Tveir AEG ofnar, AEG kæliskápur og AEG frystiskápur. Innbyggð AEG uppþvottavél og AEG spansuðuhelluborð. Gólfsíðir gluggar til norðvesturs með fallegu útsýni.
Hjónaherbergi: Er rúmgott, með harðparketi á gólfi og góðum skápum. Gluggar til suðurs og innfelld lýsing í lofti. Baðherbergi II er staðsett inn af hjónaherbergi en möguleiki er að loka á milli með rennihurð og nýtist þá baðherbergi II sem gestabaðherbergi fyrir efri hæð.
Baðherbergi II: Með flísum á gólfi og hluta veggja. Flísalögð sturta með glerþili og innbyggðum Grohe blöndunartækjum. Falleg innrétting við vask, upphengt salerni, handklæðaofn og innfelld lýsing í loftum.

Bílskúr: er 24,4 fm. með heitu og köldu vatni, vaskur, epoxy gólfi og rafmagnsopnun á bílskúrshurð. Aukin lofthæð er yfir bílskúr.

Staðsetning eignarinnar er afar góð á eftirsóknaverðum stað við Urriðaholt í Garðabæ þaðan sem stutt er í skóla og leikskóla, golfvöllur Odds auk verslunar og þjónustu. Fallegar hjóla- og gönguleiðir í næsta nágrenni.

Allar nánari upplýsingar veitir:
Heimir Hallgrímsson lögg. fasteignasali og lögfræðingur í síma 849-0672 eða á netfanginu heimir@fastlind.is