Álfaskeið 37

Sunna fasteignasala, Marta Jónsdóttir, lögfr. og lögg. fasteignasali, og Arnþór Jónsson, viðskfr. og lögg.fasteignasali, kynna í einkasölu Álfaskeið 37, 220 Hafnarfirði. 

Um er að ræða 3ja herbergja efri hæð og útleigueiningu/studíóíbúð í kjallara í steinsteyptu húsi í nálægð við miðbæ Hafnarfjarðar. 
Eignin er skráð þannig að íbúðin sjálf er 60,7 fm. Henni tilheyrir studíóíbúð í kjallara hússins, sem er alls 23,3 fm., alls 84 fm.

Nýlega var frárennsli endurnýjað. Fyrir afhendingu eignarinnar verður búið að skipta um rúður og listar endurnýjaðir eftir þörfum. Þessi framkvæmd er á kostnað seljanda. 

Nánari lýsing:
Komið er inn um sameiginlegan inngang í snyrtilega sameign og gengið upp á efri hæð hússins, forstofa er fyrir framan innganginn í sjálfa íbúðina.
Gangur/hol með fataskáp tengir önnur rými íbúðarinnar.
Bjart og nýlegt eldhús er í rými sem áður var stofa - en með því fæst aukaherbergi og gott flæði milli eldhús, borðstofurýmis og stofunnar.
Eldhúsið er með nýlegri innréttingu, (frá árinu 2014-16) tengi fyrir uppþvottavél og góðum borðkrók/borðstofurými.
Stofan er hlýleg og björt með glugga til suðurs og góðri tengingu við eldhús/borðstofu.
Svefnherbergi eru nú tvö; hjónaherbergi með opnum fataskápum og minna herbergi á gangi sem hentar vel sem barnaherbergi eða heimaskrifstofa.
Baðherbergi hefur verið gert upp á smekklegan máta, upphengt salerni, sturtuaðstaða, handlaug og gluggi með opnanlegu fagi.
Í kjallara hússins, sem er með sér inngang, eru rými sem tilheyra hvorri hæð fyrir sig sem séreign.

Gott íbúðarherbergi/stúdíó í kjallara fylgir eigninni. Þar er ekki full lofthæð en ágætir gluggar. Rýmið hefur verið innréttað með lítilli eldhúsinnréttingu og baðherbergi. Þar er salerni, handlaug og lítið baðkar/sturtuaðstaða ásamt glugga með opnanlegu fagi.
Tvö rými (Geymsla 00-02 og 00-03 á teikningu) voru sameinuð til að búa til studíóíbúðina. Eignin er með eignaskiptasamningi sem staðfestir skiptingu rýmanna í kjallara hússins en skráning séreignarfermetra í kjallara vantar inn í birta stærð eignarinnar eins og hún er skráð hjá Fasteignaskrá HMS í dag.

Í kjallaranum er jafnframt rúmgott, sameiginlegt þvottahús þar sem hvor íbúð hefur aðstöðu fyrir sína þvottavél.

Eignin er á frábærum stað i syðri enda Álfaskeiðsins og er steinsnar frá miðbænum. 
Nánari upplýsingar veitir Marta Jónsdóttir, lögfr. og lfs., í síma 8633445 og netfanginu marta@sunnafast.is og Arnþór Jónsson viðskfr. og lfs. í síma 663-3030 og netfanginu arnthor@sunnafast.is.