Skíðabraut 7 íbúð 102

Skíðabraut 7B / Jónínubúð á Dalvík - Virkilega skemmtileg íbúð á góðum stað á Dalvík í bæjarjaðri við fuglafriðlandið.
Stutt frá ströndinni, öllum helstu útivistarleiðum og sundlaug, skóla og annarri þjónustu.

** Sjón er sögu ríkari **

Frekari upplýsingar veitir Sigurður H. Þrastarson - siggithrastar@kaupa.is - kaupa@kaupa.is - s: 888-6661

Húsið er með skráð byggingarár 1930 og 1977 en þá var byggt við það til norðurs. Núverandi eigendur keyptu eignina árið 2011 og fóru þá í miklar endurbætur. 

Eignin skiptist í forstofu, eldhús, stofu, tvö svefnherbergi og baðherbergi.

Forstofa er með flísum á gólfi. 
Eldhús er með skemmtilegri innréttingu, þar er stæði fyrir uppþvottavél, ísskáp og eldavél. Gólf er steypt.
Stofan er í opnu rými með eldhúsi. Gólfið er timburgólf úr rekaviði af Skaga. Gólfið er lektað upp með 30 mm listum og liggja ofnalagnir í rýminu milli lekta. Loftið er tekið upp og betrekað með íslenskum landakortum. Gluggar eru til tveggja átta. 
Svefnherbergin eru tvö og bæði ágætlega rúmgóð. 
Baðherbergi er með flísum á gólfi, handlaug og sturtu með skilrúmi úr rekaviði. Tengi er inni á baðherberginu fyrir þvottavél. 

Þessi hluti parhússins við Skíðabraut 7b var byggður 1977 til norðurs við eldra hús. 
Núverandi eigendur keyptu eignina 2011 og fóru þá í miklar endurbætur. Árið 2023 var svo hafist handa við að gera sérstaka og samþykkta íbúð úr nýrri hlutanum. Því verki var að ljúka. Rafmagn er nýtt í íbúðinni og búið er að gera ráð fyrir heitum potti á bak við húsið í lagnagrind. 
Baðherbergi er nýtt og mósaíkað með steinflísum og gólf er upphitað í baði og í stofurými. Ný og virkilega rúmgóð Ikea eldhúsinnrétting er í íbúðinni ásamt því að eldhúsbekkir eru sérsmiðaðir úr massívum rekaviði eins og gólf í stofu. 
Ísskápur, uppþvottavél og þvottavél á baði geta fylgt ásamt einhverjum húsgögnum ef óskað er. 
Forstofa og eldhús er með steinteppi og niðurfall er í gólfi í eldhúsi. 
Flísar eru á öðru svefnherberginu og timburgólf með hita undir að hluta á hinu. 

Á baklóðinni er verönd með hellum - Útsýni yfir Flæðurnar,  fuglafriðland Svarfdæla

Við endurbætur á eigninni fengu margir hlutir nýtt líf,  flutt voru á staðinn um 4,5 tonn af rekaviði frá Skagaströnd, fengið heillegt efni úr kaupfélagshúsinu á Dalvík þegar þar var unnið að þakframkvæmdum og afgangsflísar frá flísabúðum. Þá var efni í innréttingar keypt í Efnissölunni og klæðning á eldhúsinnréttingu hjá skógræktinni í Heiðmörk. 

Hluti af húsbúnaði getur fylgt með við sölu eignar.
Möguleiki á ljósleiðara er til staðar.
Verið er að leggja nýja heimtaug og rafmagnstöflu í húsið. 

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.