Fálkagata 32

Höfum fengið til sölu íbúð 301 sem samanstendur af þremur íbúðareiningum þ.e. fjögurra herbergja íbúð á 3. hæð, tveggja herbergja íbúð í risi og þriggja herbergja íbúð í bílskúr. Eignin er vel staðsett í vestubæ Reykjavíkur, steinsnar frá Ægissíðunni, stutt frá Háskóla Íslands, Hagaskóla, Melaskóla, Háskólabíó og í göngufæri við miðbæ Reykjavíkur. Um er að ræða áhugaverðan fjárfestingakost. Eignin er laus við kaupsamning.

Eignin er skráð skvþ Þjóðskrá Íslands alls 177,9 fm. og þar af er íbúð á 3. hæð 84,7 fm. og ris eða geymsla 35,2 fm. og bílskúr 35,2 fm. 

Íbúð á 3. hæð merkt 01-0301. 
Fjögurra herbergja íbúð sem skiptist í hol, þrjú svefnherbergi, baðherbergi, eldhús og stofu. Útgengi á litlar svalir sem snúa inn í portið. Parket er á gólfum nema á baðherbergi sem er flísalagt. Eldhús er með hvítri innréttingu, bakarofni, keramikhelluborði og háfi úr burstuðu stáli. Borðkrókur í eldhúsi. Úr eldhúsi er opið inn í stofu. Baðherbergi er með flísum á gólfi og í sturtu, salerni, handlaug, tengi er fyrir þvottavél. 
Risíbúð (geymsla) merkt 01-0401. 
Tveggja herbergja risíbúð sem skiptist í svefnherbergi, baðherbergi, eldhús og alrými. Harðparket er á gólfum nema á baðherbergi sem er flísalagt. Gengið er inn í alrými, þar innaf er eldhús krókur með hvítri innréttingu, eldavél og bakarofni.  Svefnherbergi er rúmgott. Baðherbergi er með flísum á gólfi og í sturtu, salerni, handlaug með skáp undir og tengi er fyrir þvottavél. 
Bílskúr merkt 70-0101. 
Þriggja herbergja íbúð sem skiptist í anddyri, stofu og eldhús í opnu rými, tvö svefnherbergi og baðherbergi. Eikarparket er á gólfum nema á baði og anddyri sem er flísalagt. Komið er inn í anddyri og gengið í opið rými eldhúss og stofu. Eldhús er með fallegri hvítri innréttingu með eikar borðplötum og innbyggðu ljósum í efri skápum. Svefnherbergin tvö eru nokkuð rúmgóð. Baðherbergi er með flísum á gólfi og í sturtu, upphengdu salerni og handlaug. Tengi er fyrir þvottavél og þurrkara og er vinnuborð yfir. Um er að ræða mikið endurnýjaða eign með breyttri notkun sem íbúð, mjög snyrtileg og björt. Góð verönd er fyrir framan bílskúr. 

Húsið virðist í ágætu standi en bílskúr er mikið endurnýjaður með nýlegum gluggum og útidyrahurð. Bílastæði fyrir framan 6,6 x 6,0 er sérafnotaflötur bílskúrs en umferðarréttur allra. 

Allar nánari upplýsingar veitir Guðbjörg G. Sveinbjörnsdóttir löggiltur fasteignasali í síma 8995949 eða á netfangið gudbjorg@trausti.is