Aðalstræti 10 - 3 íbúðir

Fasteignasalan Hvammur 466 1600

Berlín - Einstak hús í Innbænum á Akureyri. Eignin er á tveimur fastanúmerum og skiptist í tvær stórar hæðir og ný standsetta íbúð í kjallara, möguleiki er að bæta við annarri í svipað - Skráð heildarstærð eignar er 371,4 m² .

Bræðurnir Sigvaldi og Jóhannes Þorsteinssynir reistu húsið sem er tvílyft timburhús á steinkjallara árið 1902 undir verslunarrekstur.
Húsið er systurhús tveggja einna frægustu húsa í Miðbæ Akureyrar þ.e.a.s. Parísar og Hamborgarhúsana og gengur undir nafninu Berlínarhúsið.

Íbúð 201 - 123,6 m²
Forstofa er sameiginleg með neðri hæð. Gengið er upp steypt tröppur á suður hlið hússins og inn í forstofu með pússuðum gólffjölum. Innan við forstofu er stigauppganga á efri hæðina.
Ástiga á þrepum er kókosteppi. 
Á holi og gangi eru pússaðar gólffjalir og þaðan er útgangur á yfirbyggðar svalir til suðurs.
Eldhúsið var endurnýjað á sínum tíma í þeim stíl sem hæfir húsinu. Pússaðar gólffjalir, verkaður hlaðinn skorsteinn og gamlir bitar fá að njóta sín. Eldhúsinnrétting var sérsmíðuð, lagnir endurnýjaðar sem og einangrun í veggjum.
Stofa og borðstofa eru samliggjandi, bjart rými með góðum gluggum til austurs.  
Baðherbergið er innaf eldhúsi og árið 2013 var það tekið í gegn. Hreinsað var út úr því, skipt um einangrun og allt endurnýjað frá grunni. Þar er dúkur á gólfi, baðkar með sturtutækjum, upphengt klósett og ljós innrétting.   
Svefnherbergin eru fjögur talsins og eru öll með pússuðum gólffjölum. Innaf hjónaherbergi er minna svefnherbergi með glugga og kojum sem gæti nýst sem fataherbergi

Íbúð 101 - 247,8 m² þar af er íbúð á hæð 119,0 m²
Forstofa er sameiginleg með efri hæð. Gengið er upp steypt tröppur á suður hlið hússins og inn í forstofu með pússuðum gólffjölum. Einnig er önnur forstofa, sér inngangur á vesturhlið hússins með pússuðum gólffjölum. Þaðan er innangengt niður í kjallara.  
Eldhús er rúmgott og með góðri lofthæð. Græn lökkuð innrétting með viðarbekkplötu og innbyggðri uppþvottavél. Pússaðar gólffjalir og verkaður hlaðinn skorsteinn fá að njóta sín.
Stofur eru tvær samliggjandi í austurenda hússins, með tvöfaldri rennihurð á milli í gömlum stíl, önnur þeirrra er nýtt sem svefnherbergi í dag.
Baðherbergi er með baðkari með sturtutækjum, viðarinnréttingu og á veggjum eru viðarþiljur en flísaþiljur á votrými við baðkar. 
Hol er með pússuðum gólffjölum. 
Svefnherbergin eru þrjú, öll með pússuðum gólffjölum og fataskápum. Önnur stofan hefur verið nýtt sem fjórða svefnherbergið. 
Aukin lofthæð er í íbúðinni og búið er að endurnýja pappa að hluta með gamalli aðferð. 

48,4 m² íbúð var útbúin í kjallara á árunum 2020-2023. 
Eldhús, hvít innrétting með grárri bekkplötu. Ísskápur og uppþvottavél eru innbyggð í innréttingu. 
Stofa er með lökkuðu gólfi og innfelldri lýsingu. 
Svefnkrókur er með lökkuðu gólfi og innfelldri lýsingu. 
Baðherbergi er með flísum á gólfi og hluta veggja, hvítri innréttingu og speglaskáp, upphengdu wc og walk-in sturtu.  Innfelld lýsing er í lofti. 
Gólfhiti er í allri íbúðinni og innfelld lýsing í loftum. Svart málaðir bitar í loftum setja skemmtilegan svip á eignina. 

Gengið er niður upprunalegan stiga niður í kjallara úr forstofu á vesturhlið hússins. (Rýmið er um 51 m²) 
Gangur/ hol er með fataskáp og teppum á gólfi. 
Gestasnyrting er með flísum á gólfi, mósaíkflísum á veggjum að hluta, vegghengdu salerni og vaski.
Stórt svefnherbergi með tveimur gluggum og teppum á gólfi er í austurenda hússins. Þar hefur verið klætt með gipsi uppá milli loftbita og sett innfelld lýsing. 
Hurð út úr herberginu opnast inn á sameiginlegan gang með útihurð á austurgafli hússins sem býður uppá möguleika á útleigu á rýminu
 
Annað
- Rúmgott sameiginlegt þvottahús er í vesturenda kjallara. 
- Gluggar og gler hefur að stærstum hluta verið endurnýjað.
- Þakjárn var endurnýjað árið 2016.
- Húsið var málað að utan að stærstum hluta árið 2017 og tvær hliðar 2024.
- Lóðin er að 350,2 m² að stærð, að stærstum hluta eignarlóð.  
- Stétt fyrir framan hús og sunnan er með hitalögn.
- Ljósleiðari er kominn í húsið - Endurnýjuð útihurð í kjallara.- útigeymsla er undir tröppum. 
- Drenað við norðurhlið 2024 og sett ný skolp lögn fyrir efri hæð frá húsi að lóðarmörkun.
- Heitur pottur við er við suðurhlið hússins.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.