Sunnusmári 23

Böðvar Sigurbjörnsson og Borg fasteignasala kynna til sölu: Sunnusmári 23, 201 Kópavogi – fallega og bjarta 3ja herbergja íbúð á 3. hæð í nýlegu lyftuhúsi með rúmgóðum suðaustursvölum. Eignin, sem er merkt 02-0302, er skráð 79,2 m², þar af er sérgeymsla 9,6 m².
Nánari lýsing – íbúð 302
Forstofa/anddyri: Parket á gólfi og innbyggður fataskápur.
Baðherbergi: Flísalagt gólf og flísar á veggjum að hluta. Flísalögð sturta með glerskilrúmi. Vönduð AXIS baðherbergisinnrétting neðan handlaugar og speglaskápur með lýsingu fyrir ofan. Gólfhiti og handklæðaofn. Aðstaða fyrir þvottavél og þurrkara.
Hjónaherbergi: Rúmgott herbergi með parketi á gólfi og fataskápum sem ná upp í loft.
Barnaherbergi: Parket á gólfi.
Eldhús: Vönduð AXIS eldhúsinnrétting með góðu skápaplássi, bæði efri og neðri skápum. Parket á gólfi. Innbyggð uppþvottavél og innbyggður ísskápur. Gorenje spanhelluborð og vifta fyrir ofan. Hljóðeinangrunarplata í lofti.
Stofa: Opin og björt stofa með parketi á gólfi og tveimur hljóðeinangrunarplötum í lofti. Um er að ræða horníbúð sem tryggir glugga á tvo vegu og einstaklega gott birtuflæði í stofu og önnur rými. Frá stofu er útgengt út á rúmgóðar suðaustursvalir.

Annað: Í sameign hússins er sameiginleg hjóla- og vagnageymsla. Húsið er byggt árið 2020 og klætt að utan með álklæðningu, sem á að gera bygginguna viðhaldslitla. Eignin er staðsett í vinsælu og fjölskylduvænu hverfi í Smárahverfi Kópavogs, þar sem stutt er í alla helstu þjónustu. Í næsta nágrenni eru Smáralind og Smáratorg með fjölbreyttri verslun, þjónustu, mathöll, veitingastöðum og afþreyingu. Einnig er stutt í leikskóla, grunnskóla, heilsugæslu og íþróttasvæði ásamt góðum göngu- og hjólaleiðum. Gott aðgengi er að helstu samgönguæðum sem tengja hverfið við aðra hluta höfuðborgarsvæðisins.

Nánari upplýsingar veitir Böðvar Sigurbjörnsson, lögfræðingur M.L. og lgf., í síma 660-4777 eða bodvar@fastborg.is
Sjá einnig:
fastborg.is/
Smelltu hér til að fylgjast með mér á Facebook
Smelltu hér til að fylgja mér á Instagram

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Borg fasteignasala því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi.
3. Umsýslugjald til fasteignasölu skv. kauptilboði.