Hrafnaklettur 2

Björt og snyrtileg 95,3 fm. 3ja herbergja endaíbúð á 3. hæð (efstu) með glæsilegu útsýni að Hrafnakletti 2 í Borgarnesi.  Íbúðin skiptist í forstofu, hol, stofu, eldhús, baðherbergi og tvö rúmgóð svefnherbergi.  Á jarðhæð er sérgeymsla og sameiginlegt þvottahús og reiðhjóla- og barnavagnageymsla.  Glæsilegt útsýni til vesturs og norðurs, Snæfellsjökull og fjallahringurinn norður og austur um.  Íbúðin er teiknuð sem 4ra herbergja, en barnaherbergin hafa verið sameinuð í eitt mjög stórt herbergi.

Nánari lýsing:  Komið er á flísalagða forstofu.  Flísalagt hol með fataskáp.  Eldhúsið er flísalagt, með massívri límtrés innréttingu, flísum á milli efri og neðri skápa, lögn fyrir uppþvottavél og borðkrók.  Góður gluggi á eldhúsi.  Stofan er björt og parketlögð, með gluggum á tvær hliðar og útgangi á rúmgóðar svalir með glæsilegu útsýni.  Endurnýjað rekkverk á svölum.   Barnaherbergið er mjög stórt, parketlagt og með fataskáp.  Hjónaherbergið er parketlagt og með 6x efri og neðri skápum.  Baðherbergið var endurnýjað fyrir 10 árum, það er flísalagt með innréttingu, sturtu, handklæðaofni og aðstöðu fyrir þvottavél.  Gluggi á baðherbergi og Fibo-trespo plötur á hluta veggja, m.a. í kringum sturtu.

Í kjallara er sérgeymsla með hillum, sameiginlegt þvottahús og reiðhjóla- og barnavagnageymsla.

Björt og falleg eign - gluggar á þrjár hliðar.
Ljósleiðari er kominn í húsið.
Verið er að skipta um neysluvatnslagnir og öll blöndunartæki og setja varmaskipti (greitt af seljanda)
Eignin getur losnað fljótlega.

Nánari upplýsingar veitir Björn Þorri Viktorsson hrl. og lögg. fasteignasali, í síma 894-7070, tölvupóstur bjorn@midborg.is.