Bergstaðastræti 36

Aðalsteinn Jón Bergdal lgf. og Trausti fasteignasala kynna:  FRÁBÆR STAÐSETNING Í MIÐBÆNUM – Einstök 4 herbergja íbúð með óskráðu 30 fm háalofti í reisulegu timburhúsi með steyptum kjallara. Húsið var málað að utan 2021. Íbúðin skiptist í forstofu þaðan sem er stigi upp í íbúðina. Komið inn i miðjurými á aðalhæð þar sem eru eldhús, 3 stofur og svefnherbergi með fataherbergi innaf auk baðherbergis. Auðvelt að nýta stofur sem svefnherbergi. Úr miðjurýminu er einnig stigi út á svalir og annar upp á óskráð háaloft þar sem er þvottaaðstaða auk margra annarra nýtingarmöguleika. 
Húsið er reisulegt timburhús og stóð upphaflega við Hverfisgötu 40 en var flutt á núverandi stað árið 1979. Þá hafði verið grafinn grunnur fyrir það, allar leiðslur lagðar í jörðu og út á götu og undirstöður steyptar ásamt kjallaraveggjum. Á sama tíma voru allar lagnir í húsinu yfirfarnar og skipt um þar sem þurfti.  Á árunum 1993-1995 var skipt um bárujárn á útveggjum og tjörupappaklæðningu undir henni. Þá var einnig lagað tréverk það litla sem þurfti. Síðan var skipt um pappa og járn á þaki hússins (ofangreindar upplýsingar eru fengnar úr ritgerð Ásgeirs Bjarna Ásgeirssonar um húsið 2015).

Smelltu hér til að sækja söluyfirlit.     Fáðu frítt söluverðmat fyrir eignina þína.

Nánari lýsing:
Forstofa: Gengið upp útitröppur bakatil við húsið. Komið inn í forstofu á fyrstu hæð. Viðarstígi upp i íbúð.   
Eldhús er með hvítri innréttingu með skúffum og tengi fyrir uppþvottavél.  
Stofur/skrifstofa: Í dag eru rýmin nýtt sem 2 stofur og skrifstofa.
Svefnherbergi er mjög rúmgott með fataherbergi innaf með glugga.
Baðherbergi er rúmgott með baðkari, handklæðaofni og glugga. Lítil innrétting við vask.
Gólfefni:  Upprunalegar viðarfjalir á gólfum nema í  forstofu og baðherbergi þar sem eru korkflísar á gólfi.  
Háaloft:  Rétt rúmlega 30 fm og er hæð við mæni um 170 cm og skiptist í 3 ganga með þremur fallegum hálf-hringlaga gluggum. Hefur verið nýtt á marga mismunandi vegu gegnum árin. Í dag er þvottaaðstaða í einum gang háaloftsins og er þar vinnuborð með skolvaski.
Svalir: Fallegar skjólgóðar svalir í suðvestur. Gengið út á þær um stiga sem dreginn er niður til að tengja svalirnar.

Mjög sérstök og ævintýraleg íbúð í reisulegu timburhúsi með mikla sögu á frábærum stað í miðbænum. Stutt í alla þjónustu og Hljómskálagarðurinn og allt það skemmtilega sem miðbærinn hefur upp á að bjóða í göngufæri. Stutt í leik-, grunn- og menntaskóla.

Nánari upplýsingar um eignina veitir Aðalsteinn Jón Bergdal, löggiltur fasteignasali, í síma 767-0777 eða á netfanginu alli@trausti.is