Berjateigur 10

M2 fasteignasala kynnir í einkasölu - Glæsilegt fullklárað steypt 3 herbergja 138,0fm PARHÚS með bílskúr við Berjateig 10 í Garði, Suðurnesjabæ. 

Afhending: 1.febrúar 2026
Fyrirvari: Myndir eru af húsnæðinu Berjateig 6 sem þegar hefur verið selt.

* Upptekin loft í alrými eignarinnar
* Sérsmíðaðar innréttingar og skápar.
* Sólpallur út frá baðherbergi
* Flísar á forstofu, þvottahúsi + baðherbergi
* Parket á stofu, eldhúsi, geymslu og herbergjum.
* Epoxy á bílskúr 

Lýsing eignar:
Forstofu er opin með sérsmíðuðum skápum og flísar á gólfi.
Baðherbergið er með flísum á gólfi og í sturtu, sérsmíðuð innrétting við vask ásamt upphengdu salerni og glugga.
Eldhúsið er með sérsmíðaðri innréttingu með eyju ásamt ofni, vask, helluborði og innbyggðum tækjum ss. ísskáp og uppþvottavél. Parket á gólfi.
Stofan er opin og björt með upptekin loft.Parket á gólfi.
Hjónaherbergið er rúmgott án gólfefna og sérsmíðuðum skápum.
Geymsla er innaf bílskúr með opnanlegum glugga og hurð, parket á gólfi. 
Barnaherbergi er með parket á gólfi og sérsmíðuðum skápum.

Steypt innkeyrsla með hita, tyrfð lóð og snyrtileg verönd að framan.
Rafmagn fyrir bílhleðslu:
Ídráttarrör er fyrir bílhleðslutæki er við skjólvegg á milli húsa í innkeyrslu.
HEITUR POTTUR:
Ídráttarrör eru til staðar undir sólpalli. 

Burðarvirki:
Sökklar, botnplata:               Staðsteypt járnbent steinsteypa
Útveggir:                                Staðsteypt járnbent steinsteypa
 
Frágangur húss að utan:
Útveggir:
Húsið er steinsteypt á hefðbundinn hátt. Útveggir verða steinaðir í ljósum lit.
Þak:
Þak verður klætt með báru-Aluzink, skilast ómálað. Þakkantur (panelklæddur) málaður tvær umferðir í hvítum lit. Rennur eru utanáliggjandi (Lindab hvítar). Rennur og niðurföll eru tengd.
Gluggar og hurðir:
Gluggar eru ísteyptir, gerðir úr furu, opnanleg fög eru úr oregonpine og með viðurkenndum stormjárnum við björgunarop. Gluggar eru hvítir að lit. Útihurðir eru úr oregonpine, 3ja punkta með læsingabúnaði. Hurðir eru hvítar að lit. Gler er einangrunargler.
Lóð:
Stéttar verða steyptar og lögð snjóbræðslulögn. Að framan verða pallar úr gagnvörðu efni skv. teikningu og tyrft fyrir aftan hús og við gafla, möl verður 2 metra frá húsi bakatil og tyrft svo að lóðarmörkum.
 
Frágangur húss að innan:
Gólf:
Gólfhiti er steyptur í plötu.
Stofa/eldhús, gangur og herbergi verða með parket á gólfum.
Baðherbergi/þvottaherbergi og anddyri verða flísalögð.
Bílskúr verður með epoxy á gólfi.
Geymsla verður með parket á gólfi.
 
Veggir:
Útveggir verða einangraðir með 100mm frauðplasteinangrun og múraðir, sandspartlaðir og málaðir í ljósum lit. Steyptur milliveggur milli íbúða verður sléttspartlaður og málaður í ljósum lit. 
Léttir innveggir eru byggðir úr blikkstoðum og klæddir beggja vegna með krossvið að innralagi fyrir hald og með gipsplötum ytra, bað-/þvottaherbergi verður klætt með rakavörðum gipsplötum. Veggir verða sléttspartlaðir og málaðir í ljósum lit, þó verða veggir í baðherbergi flísalagðir að hluta.
 
Loft:
Loft verða niðurtekin í herbergjum, baðherbergi, þvottaherbergi og geymslu. Í anddyri, stofu, eldhúsi og gangi verða loft upptekin sem næst þaki uppá lofthæð að gera.
Loft verða klædd með einföldu 13 mm gipsi, sléttspartlað og málað í ljósum lit.
 
Innihurðir:
Þær verða sléttar í hvítum lit, með yfirfeldum hvítum körmum.
 
Innréttingar:
Eldhúsinnrétting:
Eldhúsinnrétting verður með plastlagðri borðplötu. Vaskur verður í borðplötu. Spanhelluborð og ofn. 
 
Baðherbergi og þvottaherbergi:
Bað-/þvottaherbergisinnrétting verður ljós að lit með sömu plastlagðri borðplötu.
Innrétting fyrir þvottavél og þurrkara og skolvaskur í þvottahúsi.

Fataskápar í herbergjum og anddyri:
Fataskápar verða ljósir að lit.
 
Raflagnir:
Verksali tekur að sér að leggja allar almennar raflagnir.
Allt efni skal vera 1. Flokks og uppfylla kröfur Mannvirkjastofnunnar.
Led lýsing í anddyri, stofu, eldhúsi og baðherbergi.  Hefðbundin ljós í svefnherbergjum, bílskúr og geymslu.
Útilýsing og rakaheldur tengill verður í þakkanti bæði að framan og aftan.
Ídráttarrör er að framan í skjólvegg sem hugsað er fyrir bílhleðslutæki. 

Pípulagnir:
Inntök verða í bílskúr.
Frárennslislagnir:
Lagnir í grunninn eru lagðar og tengdar fráveitu bæjarins. Heitt og kalt neysluvatn er lagt rör í rör.
 
Hreinlætistæki:
Bað-/þvottaherbergi:
Salerni, handlaug með einnar handar blöndunartækjum. Sturta flísalögð, hitastýrð blöndunartæki, sturtuhaus og handsturtuhaus á sturtu stöng.
Öll postulínstæki verða hvít að lit. Rafmagns- og vatnstengingar fyrir þvottavél og þurrkara.
Eldhús :
Eldhúsvaskur. Einnar handa blöndunartæki fyrir eldhúsvask. Tengimöguleiki fyrir uppþvottavél.

Allar nánari upplýsingar gefur Sigurður löggiltur fasteignasali í síma 693-2080 eða siggi@fermetri.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. M2 fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlitið er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren skólp og þak.

Gjöld sem kaupandi þarf að standa straum af vegna kaupanna:
* Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga ( 0,4% við fyrstu kaup m.v. að lágmarki 50% eignarhlut ) og 1,6% fyrir lögaðila.
* Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
* Lántökugjald lánastofnunar. Um lántökugjald vísast í gjaldskrá viðkomandi lánveitanda.
* Umsýsluþóknun fasteignasölu skv. gjaldskrá.