Hindarlundur 6

Fasteignsalan Hvammur 466 1600 - Einkasala

Fallegt og vel við haldið 5 herbergja einbýli með bílskúr við Hindarlund 6 á Akureyri. Húsið er skráð 150,2 m² að grunnfleti en auk þess eru um 40,0 m² í risi.  (fermetraverð 579.000)
Húsið skiptist þannig að á hæðinni er forstofa, gangur, eldhús, stofa og borðstofa, baðherbergi, tvö svefnherbergi og þvottahús, auk bílskúrs og geymslu. Í risi er sjónvarpsherbergi, vinnurými eða geymsla og eitt svefnherbergi.
Húsið er steypt, með fallegum margrúðu gluggum og miðjustilltri yfirbyggingu á súlum yfir aðalinngangi sem setur mikinn svip á húsið.

Lóðin er einstaklega snyrtileg og allt í kringum húsið er hellulagt með uppbroti í beðum með fjölbreyttum gróðri. Rúmgott hellulagt bílaplan er framan við bílskúr og í því er snjóbræðsla sem og í hluta að gönguleið heim að húsi. Skjólgirðing og veggir eru með þremur hliðum hússins, góð útigeymsla, flaggstöng, tjörn og kartöflugarður/beð.

Forstofan er með flísum á gólfi og þar er þrefaldur spónlagður fataskápur og stór spegill.
Eldhúsið er með snyrtilegri hvíttaðri viðarinnréttingu og flísum á milli skápa. Ísskápur með frysti er innfelldur í innréttingu og fylgir með við sölu eignar.  Úr borðkrók er "frönsk" hurð út á hellulagða verönd til vesturs. Rennihurð er á milli eldhúss og stofu. 
Stofa og borðstofa eru með heillímdu parketi á gólfi og gluggum til suðurs og austurs.
Baðherbergið er með flísum á gólfi og veggjum, rúmgóðri walk-in sturtu með gleri, fallegri spónlagðri eikar innréttingu með ljósri stein bekkplötu og opnanlegum glugga. Hiti er í gólfi og er honum stýrt í gegnum handklæðaofn. Innfelld lýsing er í lofti. 
Svefnherbergin eru tvö á hæðinni og eitt í risi, öll með parketi á gólfi og í hjónaherbergi er stór spónlagður fataskápur. 
Þvottahúsið er með flísum á gólfi, ljósri sprautulakkaðri innréttingu með stæði fyrir þvottavél og þurrkara og þar er einnig bekkur með skolvaska. Gengið er í gegnum þvottahúsið þegar farið er inn í bílskúr.
Bílskúrinn er flísalagður og innst í honum er geymsla. Innkeyrsluhurð er með rafdrifnum hurðaropnara og gönguhurðir eru tvær, önnur út á bílastæði við hliðina á innkeyrsluhurðinni og hin til austurs út á baklóð. Hvítir sprautulakkaðir fataskápar eru í bílskúrnum og timburstigi upp í risið.
Geymsla er innst í bílskúrnum með flísum á gólfi, hillum og opnanlegum glugga. 

Yfir húsinu öllu sem og bílskúrnum er risloft sem óskráð er í heildarfermetrum hússins. Þar eru um 40 m² hvar lofthæð er yfir 180 cm en nýtanlegt pláss er talsvert meira og gott geymslupláss undir súð. Uppá loftið er farið um timburstiga í bílskúr og þar er komið uppí herbergi í norður hluta sem nú er nýtt sem sjónvarpsherbergi með glugga til norðurs. Yfir miðju húsinu er rúmgott pláss sem nýtist sem vinnu- og/eða tölvuherbergi. Syðst á loftinu er svo rúmgott herbergi með glugga til suðurs.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.