Valshlíð 3

Fáðu nánari upplýsingar og gerðu tilboð á sölusíðu eignarinnar.

Kynnum til sölu nýjar og einstaklega vandaðar íbúðir í Hlíðarhorni. Um er að ræða 33 íbúðir við Valshlíð 3 í Reykjavík á suðvesturhorni byggingarreits. Íbúðirnar verða afhentar fullbúnar í janúar 2025.

Íbúð 307 er 113,6 fm þar af 11,4 fm geymsla. Um er að ræða bjarta og glæsilega 4 herbergja íbúð á 3. hæð. Einstakt útsýni yfir Vatnsmýrina. Íbúðin skiptist í anddyri/gang, eldhús og stofu/borðstofu í opnu rými með góðum vestursvölum, 3 svefnherbergi, svalir úr hjónaherbergi, baðherbergi og þvottaherbergi.

Hlíðarhorn er glæsileg 3-5 hæða nýbygging með 10 stigahúsum sem mynda hring um innri garð. Byggingin er miðsvæðis í Reykjavík í póstnúmeri 102, á jaðri Hlíðahverfis og Þingholta, við fætur Öskjuhlíðar. Stutt er því í alla helstu þjónustu, samgöngur, skóla, íþróttaaðstöðu, iðandi mannlíf og stóra vinnustaði.

Í Hlíðarhorni eru 195 íbúðir, 2-5 herbergi að stærð. Allar íbúðir eru með svölum, þaksvölum eða sérafnotareitum á jarðhæð og hannaðar til að hámarka náttúrulega birtu og nýtingu fermetra innan íbúða. Allt húsið er klætt að utan með álklæðningum með gluggum úr ál/tré og undir byggingu er bílakjallari með fyrirkomulagi samnýtingar.

Allar innréttingar íbúða eru vandaðar frá Nobilia/GKS og eldhústæki eru af tegundunum Siemens og Witt. Íbúðir skilast með innbyggðum ísskáp og uppþvottavél, spanhelluborði og blástursofni, blöndunartækjum frá ítalska framleiðandanum Mariner, Berry Alloc vinylparketi og flísum frá Álfaborg. Innréttingarþema hverrar íbúðar er fyrirfram ákveðið. Íbúðir eru allar full-loftræstar.

Heimasíða verkefnis: www.hlidarhorn.is

Nánari lýsing íbúðar skv teikningu:

Anddyri/gangur: Rúmgott með fataskáp. Opnast inn í alrými.

Eldhús: Dökk innrétting með viðaráferð frá Nobilia, eyja með vaski og svartur quartz-steinn á borðum og milli skápa. Vandað og virðulegt í fallegu og opnu alrými.

Stofa/borðstofa: Glæsilegt alrými með útgengi á rúmgóðar vestursvalir með óhindruðu útsýni yfir Vatnsmýrina.

Svefnherbergi I: Rúmgott hjónaherbergi með góðum fataskápum og útgengi á rúmgóðar svalir.

Svefnherbergi II: Rúmgott með fataskáp.

Svefnherbergi III: Með fataskáp.

Baðherbergi: Dökk innrétting með viðaráferð og speglaskápur, “walk-in “ sturta með gleri, handklæðaofn og upphengt salerni. Innbyggð blöndunartæki í sturtu. Ljósar steinflísar á gólfi og veggjum.

Þvottaherbergi: Inn af baðherbergi. Ljósar mattar innréttingar og þvottavél og þurrkari í vinnuhæð. Ljósar steinflísar á gólfi.

Geymsla: Sérgeymsla íbúðar er í kjallara ásamt sameiginlegum hjóla og vagnageymslum.

Hönnunarþema íbúðar 307 : Hlíð 2

Athygli kaupanda eru vakin á því að fasteignasalan Hlíðarhorn er í eigu S8 ehf. sem er jafnframt aðalverktaki og eigandi fasteignarinnar.

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.

Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.