Álfaskeið 55

Virkilega falleg 98,9 fm 3ja til 4ra herbergja íbúð á 1.hæð við Álfaskeið 55 í Hafnarfirði. Sérinngangur og sérbílastæði fylgir íbúðinni. Eignin er laus við kaupsamning. 

Nánari upplýsingar má fá hjá fasteigansala. Halldór Freyr Sveinbjörnsson - 6932916 - halldor@fastgardur.is

Nánari lýsing:
Anddyri: Sérinngangur, forstofa með fatahengi.
Svefnherbergi:  Inn af anddyri er rúmgott svefnherbergi með góðum fataskáp.
Baðherbergi: Nýlega endurnýjað baðherbergi með góðri walk in sturtu, hvít innrétting og handklæðaofn. Baðherbergið var endurnýjað 2024. 
Hol: Rúmgott hol sem áður var nýtt sem svefnherbergi. Auðvelt að setja upp vegg til þess að útbúa herbergið. 
Svefnherbergi II: Rúmgott svefnherbergi með fataskáp. 
Stofa: Mjög björt stofa og borðstofa með góðum glugga
Eldhús: Falleg hvít eldhúsinnrétting með góðu skápaplássi, tengi fyrir uppþvottavél og bakarofn í vinnuhæð. Innréttingin lýtur vel út og er gott pláss í kringum innréttinguna. Inn af eldhúsi er bakinngangur þar sem er hægt að komast út á Timburverönd út í garði sem er skráð sameiginlegt rými. 
Þvottahús: Gott þvottahús með hvítri innréttingu þar sem er pláss fyrir þvottavél og þurrkara í vinnuhæð. Þvottahúsgólf flotað og IKEA innrétting sett upp 2024.

Garðurinn: 
Á lóðinni (631 fm) eru bílastæði fyrir framan hús og einnig eru stæði með fram húsinu austan megin. Fyrir framan er mjög sólríkur sólpallur með fallegum gróðri og lítilli tjörn sem er sameiginlegt. 
Á baklóð er fallegur garður (geymsluskúr tilheyrir efrihæð). Falleg timburverönd, hellulögð stétt og gras að hluta en svo gengur hraunið inn í lóð að hluta en þar er landið ósnert og engin byggð. 

Húsið hefur verið töluvert endurnýjað á undanförnum árum og liggur nákvæm lýsing á þeim verkum fyrir hjá fasteignasölu.
En þess má geta að frárennslislagnir frá húsi fóðraðar að hluta og settur niður brunnur í september 2025. Klóaklagnir í plötu myndaðar 2024. Hitaveitugrind endurnýjuð 2024 og kaldavatnsheimtaug lögð ný inn í sept. 2025. Eignaskiptasamningur er fyrir húsið sem var endurnýjaður 2006.

Staðsetning er frábær þar sem eignin er í göngufæri við miðbæ Hafnafjarðar, leikskóla, skóla og framhaldskóla. 

Einnig er möguleiki að kaupa heildareignina ef það er vilji.