Austurtún 15B

BYR fasteignasala kynnir í einkasölu AUSTURTÚN 15B, 700 Egilsstaðir. Ný þriggja herbergja íbúð í raðhúsi í Votahvammi á Egilsstöðum. Smellið hér fyrir staðsetningu. 
Húsið er byggt úr forsteyptum einingum, samtals 96.0 m² samkvæmt skráningu HMS.
Skipulag eignar: Forstofa, alrými með stofu, borðstofu og eldhúsi, tvö svefnherbergi, baðherbergi og þvottahús, geymsla/tæknirými.

Húsið er fullbúið að innan og utan.
Afhending er strax við undirritun kaupsamnings

Nánari lýsing: 
Forstofa með fataskáp.
Alrými með stofu, borðstofu og eldhúsi, útgengt er úr stofu út á steypta verönd til suðurs.
Eldhús, Brúnás innrétting, AEG tæki spanhelluborð og ofn í vinnuhæð, Elica vifta.
Gert er ráð fyrir innbyggðri uppþvottavél og ísskáp í innréttingu (tæki og hurðar fylgja ekki).
Svefnherbergin eru tvö.
Hjónaherbergi er með fataskápum.
Barnaherbergi, án fataskápa. 
Baðherbergi, sturta, upphengt salerni og vaskinnrétting, handklæðaofn. Flísar á gólfi og á veggjum sturtuhorns. 
Þvottahús með innréttingu frá Brúnás, kústaskápur, pláss fyrir tvær vélar, vaskur í borði.
Geymsla/tæknirými, gengið er inn í geymslu utan við húsið, inntök veitna, rafmagn og vatn er í tæknirými. 
Allar innréttingar í eldhúsi, baðherbergi, þvottahúsi og fataskápar eru frá Brúnás innréttingum.
Gólfefni: Vínylparket er á alrými, gangi og svefnherbergjum. Flísar á forstofu, baðherbergi og þvottahúsi. Málað gólf á geymslu/tæknirými. 
Húsið er hitað upp með gólfhita í öllum rýmum, handklæðaofn er á baðherbergi. 

AUSTURTÚN 15 er fjögurra íbúða raðhús á einni hæð. Húsið er byggt úr forsteyptum einingum frá MVA. Húsið er hannað af SNIDDU arkitektastofu. 
Útveggir eru 280 mm forsteyptar einingar, botnplata er staðsteypt. Húsið er málað að utan. Þak er upp-stólað mænisþak klætt með GreenCoat stálklæðning (Límtré Vírnet) (litað stál).
Gluggar og hurðar eru ál-tré frá Rationel með tvöföldu K-gleri. Lóð er frágengin með torfi, steypt stétt að húsi, steypt bílaplan fyrir tvær bifreiðar framan við húsið og steypt verönd til suðurs aftan við húsið. Tengimöguleiki er fyrir rafbílahleðslur við bílastæði (lagnaleið, ekki er lagt í). Forsteypt fjögurra tunnu sorptunnuskýli frá MVA fylgir. Lóð er sameiginleg 1190.0  m² leigulóð í eigu Múlaþings.

Um er að ræða eign í byggingu og brunabótamat liggur ekki fyrir, kemur það í hlut kaupanda að greiða skipulagsgjald 0,3% þegar þess verður krafist.