Skerjabraut 1

Betri Stofan fasteignasala og Þórir Skarphéðinsson lögmaður og lgfs, sími 844-9591 - thorir@betristofan.is, kynna Skerjabraut 1 á Seltjarnarnesi:
Björt og vel skipulögð 3ja herbergja 93.3 fermetra endaíbúð á 3. hæð í lyftuhúsi sem byggt var árið 2015 og er staðsett á mörkum Vesturbæjar og Seltjarnarness. Íbúðin er með svölum sem snúa í austur.  Aukin lofthæð er í íbúðinni og er hún einstaklega björt og með útsýni í þrjár áttir. Vandaðar innréttingar frá GKS í eldhúsi og á baði. 

Nánari lýsing: Komið er inn á parketlagt anddyri með fataskápum. Baðherbergi er flíslagt, veggir og gólf, með upphengdu salerni, sturtuklefi er flísalagður með glerskilrúmi og blöndunartækjum með stáláferð. Vönduð innrétting frá GKS er á baðherbergi og tengi fyrir þvottavél. Gangur inn í stofu/eldhús, gólfsíðir gluggar. Svefnherbergi eru rúmgóð með góðum fataskápum, viðarparket á gólfum.
Stofa og eldhús eru samliggjandi með viðarparketi á gólfum. Úr stofu er gengið út á svalir með útsýni. Eldhús er með vönduðum innréttingum frá GKS. Eldhústæki eru frá AEG og með stáláferð. Íbúðinni fylgir rúmgóð sérgeymsla í kjallara og sameiginlegt þvottahús og hjólageymsla. Húsfélagið er vel rekið og góð samstaða innan þess. Garðurinn er vel hirtur með sameiginlegu trampólíni. Stutt í alla þjónustu, matvöruverslun, sundlaug, barnaskóla og einungis nokkrar mínútur að ganga niður að sjó.

Nánari upplýsingar veitir Þórir Skarphéðinsson lögmaður og löggiltur fasteignasali, í síma 8449591, tölvupóstur thorir@betristofan.is.