Eirhöfði 7D - 318

Hrafnkell Pálmi lgf. og Umbra kynna með stolti vandaðar og glæsilegar íbúðir við Eirhöfða 7, 110 Reykjavík.
Húsið situr úti á hamrinum og gefur einstakt og fallegt útsýni yfir borgina, til Esjunnar, Skarðsheiði og á góðum dögum yfir til Snæfellsjökuls.
Byggt er með áherslu á hagstæða afstöðu húsa fyrir skjól og birtuskilyrði.

* Hágæða íbúð hönnuð af Rut Kára *

Glæsilegt heimili með sérsmíðuðum innréttingum frá Voké-III, Quartz borðplötum, Miele tækjum og GROHE blöndunartækjum. Flísalagt baðherbergi, vélræn loftræsting og vönduð hönnun Rut Kára skapa einstaka samsetningu þæginda og gæða. Tveggja herbergja íbúð með suðursvölum.

Íbúð - 318 
Herb. - 2
Birt stærð - 71 m2
Þar af geymsla - 8.4 m2
Geymsla nr. - 0052
Svalir - 5.1 m2
Litaþema - Kasmír grár

Nánari upplýsingar:
Hrafnkell Pálmi lgf. /  690 8236 /  hrafnkell@fastlind.is
Atli lgf. /  662 4252 /  atli@fastlind.is

Ártúnshöfði stendur á tímamótum. Þar er að rísa nýr og spennandi borgarhluti þar sem nútímaleg byggð, fallegt borgarumhverfi og framúrskarandi samgöngur mynda grunn að eftirsóttu framtíðarhverfi.

ATH. meðfylgjandi myndir eru úr sýningaríbúð og endurspegla ekki allar eignir í húsinu.

UMBRA20
Við Eirhöfða 7 býðst kaupendum að nýta sér UMBRA20 fjármögnunarleiðina, sem getur auðveldað leiðina að eigin húsnæði með aðeins 10% útborgun.
Nánari upplýsingar má finna á UMBRA20 eða hafa beint samband við fasteignasala.

Gæða íbúðir: Fallegar og fjölbreyttar íbúðir með sérsmíðuðum innréttingum af háu gæðastigi, vönduð heimilstæki frá Miele. Íbúðir á efri hæðum eru með stórum þakgarði/þaksvölum ásamt því að sameiginlegur inngarður er fyrir alla íbúa hússins.

Innanhússhönnun. Hönnuðirnir: Að innanhússhönnun koma tveir hönnuðir. Það eru þær Rut Káradóttir og Thelma Guðmundsdóttirog hafa þær lagt fram fimm þemu fyrir efnisval og liti í íbúðunum.
Rut Kárdóttir hefur þegar getið sér góðs orðs en hún lærði innanhússarkitektúr í Istituto Europeo di Design í Róm og útskrifaðist þaðan árið 1993. Það sem er einkennandi í hennar hönnun eru einföld og stílhrein form þar sem vönduð efni og lýsing hjálpa til við að skapa sígilt en um leið hlýlegt yfirbragð. Thelma Guðmundsdóttir er innanhússhönnuður hjá Arkís og lítur hún gjarnan til náttúrinnar í sinni hönnun. Hennar helsti innblástur við hönnun á þemunum var hið óviðjafnanlega útsýni yfir hafið og fjöllin.

Inngarðurinn: Garðurinn er hannaður af landslagsarkitektinum Aðalheiði Kristjánsdóttur og hefur bæði sérafnotareiti og sameiginleg svæði. Gott aðgengi er að garðinum sem stendur það hátt að úr honum er einnig frábært útsýni.

Hnarreist á hamrinum: Arkitekt bygginganna er Arnar Þór Jónsson hjá Arkís og segir hann að ný hugsun hafi verið tekin inn í hönnunarferlið sem gefur betra aðgengi að inngarðinum fyrir hjólafólk og gangandi vegfarendur.

Útlitið mikilvægt: Í deiliskipulaginu er lagt mikið uppúr útliti húsanna þannig að þau séu falleg í umhverfinu upp á hamrinum. Skoðað var hverjar væru aðalvindáttirnar til þess að hámarka skjól í inngarðinum og rannsakað var hvernig hægt væri að hanna byggingarnar þannig að inngarðurinn fengi sem flestar sólarstundir.

Umhverfið: Húsið að Eirhöfða 7 er staðsett beint fyrir ofan ósa Elliðaáa og skartar útsýni yfir Vogahverfið, út á sjóinn og einkennisfjöll borgarinnar, Akrafjall og Skarðsheiði. Síðan er Esjan til norðurs í allri sinni dýrð. Staðsetningin er góð hvað varðar samgöngur, Ártúnsbrekkan einkar nærri sem og net göngu- og hjólastíga. Þá er ein frábærasta útivistarperla borgarinnar, Elliðaárdalur í göngufæri.

Eirhöfði 7D - 318 , 110 Reykjavík, nánar tiltekið eign merkt 03-18, fastanúmer 253-4531 ásamt öllu því sem eigninni fylgir, þar með talið tilheyrandi lóðar og sameignarréttindi.
Eignin Eirhöfði 7D - 318 er skráð sem hér segir hjá FMR: Eign 253-4531, birt stærð 71.0 fm.

Nánari upplýsingar veitir Hrafnkell P. H. Pálmason Löggiltur fasteignasali, í síma 690 8236, tölvupóstur hrafnkell@fastlind.is.

-----------------------------------------------------------------------
Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila 
    Fyrstu kaup - 0,4% af heildarfasteignamati
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar
4. Umsýsluþóknun til fasteignasölu, sbr.kauptilboð.