Vesturgata 14

Fasteignamiðlun og Hreiðar Levý lögg. fasteignasali kynna fallega og sjarmerandi 39,5fm, 2ja herbergja risíbúð með sérinngangi að Vesturgötu 14, 101 Reykjavík, nánar tiltekið eign merkt 02-01, fastanúmer 200-0592 ásamt öllu því sem eigninni fylgir, þar með talið tilheyrandi lóðar og sameignarréttindi. Íbúðin er nokkuð undir súð og því gólflötur íbúðar stærri en uppgefnir fermetrar gefa til kynna. Eignin skiptist í anddyri, hol, alrými með samliggjandi eldhúsi og stofu, svefnkrók og baðherbergi með aðstöðu fyrir þvottavél og þurrkara. Eigninni fylgir hlutdeild í sameiginlegri geymslu í kjallara (4,3fm). Afar falleg og sjarmerandi íbúð á rólegum og vinsælum stað í miðbæ Reykjavíkur. Frábær staðsetning við Grófina, Höfnina og kvosina. Þá er Grandinn í ca. 10 mín göngufjarlægð.

Bókið skoðun hjá Hreiðari Levý, lögg fasteignasala í síma 661-6021 eða hreidar@fastm.is

Nánari lýsing eignar 0201:
Anddyri: Komið inn um sérinngang. Gengið inn fyrir aftan hús. Tröppur upp í íbúð úr anddyri.
Hol: Tengir saman alrými, svefnskála og inngang í baðherbergi. Tvöfaldur fataskápur í holi við baðherbergi.
Alrými: Opið, bjart og fallegt rými með samliggjandi eldhúsi og stofu.
Stofa: Rúmgóð og björt. Opin og samliggjandi eldhúsi.
Eldhús: Innrétting með efri og neðri skápum, flisar á milli skápa. Opið og samliggjandi við stofu.
Svefnskáli: Opið við hol. Möguleiki á að setja upp vegg og gera lokað svefnherbergi.
Baðherbergi: Rúmgott með sturtuklefa, baðinnréttingu með skápum, vask og speglaskáp fyrir ofan vask. Aðstaða fyrir þvottavél og þurrkara. Línoleum dúkur á gólfi og veggjum.

Gólfefni: Upphafleg viðarborð á gólfi að undanskyldu baðherbergi sem er með línoleum dúk á gólfi.

Eignin Vesturgata 14 er skráð sem hér segir hjá FMR: Eign 200-0592, birt stærð 39.5 fm. Brúttófermetrar 47,3fm / Nettófermetrar 42,3fm. Eigninni fylgir hlutdeild í sameiginlegri geymslu í kjallara (4,3fm), þar sem lagnagrind hússins er staðsett. Einn hitamælir er fyrir allt húsið og skiptist hitaveitureikningur skv. hlutfallstölum eigna í húsinu. Sér rafmagnsmælir er fyrir hverja séreign og sér mælir fyrir sameign.

Húsið er kjallari, hæð og rishæð. Kjallari er steyptur en hæðin og risið er bárujárnsklædd timburbygging með bárujárni á þaki. Í húsinu eru 3 íbúðir allar með sérinngang.

Lóðin fyrir húsið að Vesturgötu 14 er 333fm eignarlóð, sameiginleg og óskipt. Engin bílastæði eru á lóðinni.

Sameign er sameiginleg geymsla 4,3 fermetrar í kjallara með sérinngangi.

Bílastæðahúsið að Vesturgötu 7 er í aðeins um 2 mínútna göngufjarlægð frá íbúðinni. Hægt er að kaupa mánaðarkort í bílastæðahúsið fyrir 18.800kr á mánuði. Einnig eru almenn bílastæði meðfram Vesturgötunni. Hægt er að kaupa íbúakort 1.450 krónur á mánuði fyrir bifreiðar sem ganga eingöngu fyrir rafmagni eða vetni.2.900 krónur á mánuði fyrir aðrar bifreiðar.
Hér má lesa sig til um Íbúakortin á vef Reykjavíkurborgar

Falleg, vel skipulögð og sjarmerandi risíbúð á eftirsóttum stað í nokkra mínútna göngufjarlægð frá Grófinni, Kvosinni og Höfninni í miðbæ Reykjavíkur. Nálægðin við iðandi mannlíf miðborgarinnar setur hverfið í flokk eftirsóttustu hverfa borgarinnar. Menningin blómstrar í miðborginni og það að búa í göngufæri við leikhús, kvikmyndahús og tónlistarhús býður upp á einstaka möguleika og mikil lífsgæði. Fjölmörg kaffihús og fjölbreytt úrval veitingastaða eru í næsta nágrenni. Nokkra mínútna göngufjarlægð í margar helstu perlum miðborgarinnar eins og gömlu höfnina, kvosina, Listasafn Reykjavíkur, Borgarbókasafnið, Þjóðleikhúsið, Hörpuna, Austurvöll, Laugarveginn, Skólavörðuholtið og svo mætti lengi áfram telja.

Nánari upplýsingar veitir Hreiðar Levý Guðmundsson Löggiltur fasteignasali, í síma 6616021, tölvupóstur hreidar@fasteignamidlun.is.